使用者名稱
使用者電郵
密碼
確認密碼
年齡
性別
Generic placeholder image
想收到的資訊
  • 時事
  • 投資
  • 生活
喜歡的資訊
  • 編輯推介
  • 時事新聞
  • 博客
  • 投資
  • 趣味影片
  • 生活
教育水平
  • 小學
  • 中學
  • 大學
  • 碩士
  • 博士
常用的社交媒體
  • Facebook
  • 微博
  • WeChat
  • Whatsapp
  • Twitter
  • Line
  • Instagram
確認

我們會發送內含重設密碼連結的通知信給您

確認

博客

防疫IQ題

2022.02.10 08:30 博客 屈穎妍

愈來愈覺得,對莫名其妙的防疫政策,市民要抱一種玩IQ題的童心,或者玩腦筋急轉彎的遊戲心,細胞,才會死少一點;心血,才能多留一些。

日前,政府宣布再收緊防疫規定,禁止兩個家庭以上在私人處所聚集。負責執法的警察朋友立即問:我跟我阿媽肯定是一家人,但算一個家庭?還是兩個?金蘭結義的兄弟,都是一家人喎?男人去二奶香閨,是一家人?還是兩家?這政策,是鼓勵大廈保安員、鼓勵隔離鄰居篤灰嗎?

不是要雞蛋挑骨頭,一個政策出台,如果問號多過句號的話,這政策,肯定有問題。

警察朋友擔心,他們是前線執法者,法例沒有定義什麼是一家人,於是一遇個案,只會口同鼻拗,小三是一家人、契爺是一家人、老爺奶奶是一家人、叔伯兄弟都是一家人……到時,苦的,又是處理投訴的執法者。

IQ題,不只什麼是「一家人」?還有怎樣避開接觸人而抵達急症室?這個,更像領袖訓練營的歷奇遊戲。

醫管局總行政經理李立業說,當大家用政府派送的快速檢測包測得自己是陽性,先要進行覆檢,可請家人代去郵局、普通科門診、港鐵站等地免費領取深喉唾液檢測樽,留下樣本,再交回樽仔,等候結果。如果沒有家人幫忙,可用最快捷、最少接觸到人的途徑去急症室。

於是,大家又玩腦筋急轉彎:如何用最快方法、不接觸人而抵達急症室?如何確保同住家人不染疫,幫你穿梭社區拿着陽性的深喉唾液滿街跑?

不過,要數最難解的IQ題,相信是以下這個……

新界西北區近日因為多幢大廈要強檢,成為蛇餅重災區,親戚在屯門排了4個鐘叫苦連天,原來,已屬萬幸,因為朋友在元朗排了7個鐘。

向有關部門投訴,對方回應,其實哪裏哪裏的檢測站人流比較少,你們可以跨區做檢測,不用跟人家逼。

咦,強檢的人不都是有可能染疫的緊密接觸者嗎?你叫他們跨區檢測,若帶病毒,豈非也跨區送毒?

未來,又將有一個更深奧的IQ題。因為隔離設施不敷應用,政府將會把沒病徵的密切接觸者進行在家隔離。問題來了,除非當事人獨居,這些在家隔離者的家人該如何處置?一起隔離?還是自由出入?

對充滿問號的防疫政策,大家當玩IQ題,這樣,怒氣會少點、粗言更少些。還是那句:寒冬未到,大家自求多福。

原載:大公報

http://www.takungpao.com.hk/news/232109/2022/0209/684512.html

原圖:Pixabay

https://pixabay.com/zh/illustrations/omicron-virus-corona-mutation-6843758/

投票已截止,多謝支持

發表意見

排列方式:
黃就是蝗
而家有人主張香港要好似當日武漢咁樣戒嚴封城,以阻絕病毒傳播。計我話呢,林鄭就算肯咁做,都唔會做長過一個星期,做夠強制全民檢測-1次咁多,應酬咗就算。點解?戒嚴封城呢樣樣,首先做領導要有擔當有胆色,唔怕俾人鬧。第二,做領導要有魄力,迎難而上,見林開路、遇水搭橋,「咩叫做唔得?」。第三,下屬要齊心,唔好推拉,唔好拌腳,唔好出工唔出力。第四,最重要嘅係:執事者夠膽企起身撑「中央嘅大力支持」。最簡單,幾日內要咁多醫護同輔助,香港夠人咩?咁,大陸「八方支援」,你會係咩態度?而呢個,唔單止問特首,仲要問各位高官、議員、顧問、專家。
6天前
黃就是蝗
香港的全霉妓者,你真係唔知佢/佢哋係有心定係無意/無能,總之,好多時你會睇到啲令你熱血沸騰/好High/係喎/啱噃嘅嘢,但你有腦嘅話,就算即時唔醒悟,過冇耐就會話細思極蠢。[]早幾日,有電視台播出路人甲抱怨座大廈忽然圍封,佢屋企冇餸。我心諗,唔好講話你條屋邨已經有幾座圍封ing/圍封ed,咁你見到對面海有大廈被圍封,就冇諗過他朝貴座亦相同?就冇買定一两件午餐肉/豆鼓鯪魚/腊腸睇門口?薯仔青紅蘿蔔都唔備喲?果真嘅話,我應該點講你?而電視台呢?你播出嚟做乜?當笑話?
6天前
黃就是蝗
不滿?投訴?怨氣?對,也有不對。[]官不可僚,民不可刁。有時,我地聽到呢喲嘢,要用吓自己嘅Common Sense去過一下先好跟住講。[]檢疫者同住屋企人可唔可以出街?你話呢?如果你屋企人確診咗同你一齊住、吃、睇電視、同浴室,你會唔會去探你唔同住喲親戚朋友?喂,早前有條「空姐老母」搞咗鑊杰嘅,你唔知?你仲問?同住者要出街,係要滿足一啲條件嘅。一早已經講咗講過啦,唔記得,就去溫吓書啦,唔好攞嚟發爛渣。於事無補。[]記者會喲記者,好多時問埋啲問題,項莊舞劍,係有其目的㗎。你估真係為咗幫市民?到今時今日仲咁懵?
20220210