黑暴過後，唔少黃友爭崩頭移民，追尋心目中嘅「民主、自由」國度，結果好多畀人昆咗去英國等地，變成「騙案苦主」。農曆新年就到，究竟移民黃友準備點過年呢？

疊水嘅黃友去到英國，梗係開心Share呃Like，但搵工租屋都搞唔掂嘅人，你又知幾多？

本俠聽聽埋埋好多Case，工又難搵，屋仲難租，有啲彈盡糧絕靠接濟就嚟瞓街，有啲已經衰到瞓街，過住地底泥一樣嘅民主自由生活。

冇工做冇屋住已經夠慘，但點都唔夠畀自己友昆咁慘！話說有Pair友仔喺國安法生效前鼠咗去英國。佢哋啱啱抵埗時，話到明會接應嚟到英國嘅手Joke，食住都冇問題。

他鄉遇故知，有人肯收留喎，簡直係大好事啦！唔知幾多小黃人當咗係真，真係投靠呢兩件蛋散。點知冇耐佢哋就改口，話經濟環境變差，冇能力照顧手Joke，叫人快啲搵份工食自己喎。

長貧難顧係人之常情，但呢位「好」朋友就唔多厚道，呢頭呃你嚟，跟手趕你走，簡直晴天霹靂！手Joke當初巧威威移民告別親朋，家陣乜鬼都冇晒，你話幾咁頭痕？究竟要繼續留喺英國捱，定係認衰返香港畀人恥笑？To be or not to be，that is the question！

如果呢啲手Joke留喺香港，起碼過到一個正常嘅新年，但佢哋拋低一切去英國，今年已經唔得掂，仲諗下年？

原圖：素材網