警方國安處日前根據國安法，向包括何俊仁、李卓人、鄒幸彤等10名支聯會董事發信，要求叫囂支聯會喺星期二之前提交收入、成員等資料。不過，支聯會常委剛剛召開記者會，一方面表明常委會僅僅以過半數票數通過解散議案，並將會喺今個月25日交畀會員大會表決；而黃到發土黑嘅支聯會副主席鄒幸彤更揚言，唔會向國安處提交任何資料，擺明「抗法」。警方回應事件，表明若有任何人士和團體唔遵從要求，警方必定依法跟進！

鄒幸彤質疑，國安處「隨便指控」民間團體係「外國代理人」，又賴警方未喺信中提供任何證據，話警方係用「釣魚搜證」，違反自然公義準則云云。支聯會又話喎，警方索取大量資料，令人該會有關人等處於惶恐之中。

鄒幸彤話國安處「釣魚搜證」

警方警告，如果有人唔遵從即屬犯罪，最高可罰10萬同監禁6個月；如果有人提供虛假、不正確或者不完整資料，更可被處罰款10萬同埋監禁2年。有網民認為，國安處先禮後兵，支聯會既然咁都唔領情，就休怪警方冇情講，仲話支持告爆佢兼出手取締添！你又贊唔贊成？

原圖：星島日報、點新聞

https://std.stheadline.com/daily/article/2326621/

https://www.dotdotnews.com/s/202108/05/AP610ba535e4b08e6c88902710.html