黃教授知難而退？星島日報今日獨家報道，科大兩個被認為係好黃嘅教授——社會科學部講座教授李靜君，以及社會科學學部副教授成名，都已離職，前者是約滿離任，後者則是遞辭職信。

呢兩位尊貴嘅學者做過乜？星島日報同大家回帶。李靜君就巴閉囉，一來佢試過喺網上論壇話，香港屬於全世界，係國際城市，應思考香港唔係中國城市，「我不認為香港屬於中國，而是屬於全球」。李自然被鬧爆，其後就批評有關報道斷章取義云云。

李靜君認做過違法嘢

咁都未算，佢前年11月出席台灣一個主題演講，題材係講黑暴，承認自己有參與黑暴示威，著上寫住「守護孩子」嘅黃色反光衣充當人盾，擋喺防暴警同示威者之間，爭取時間畀示威者鬆人，佢形容自己做咗好多喺香港法律下被定義為非法嘅事，相當離譜，以至各界紛紛要求徹查。

至於成名，則喺當年港大否決任命陳文敏做校長後，同其他學者成立「學術自由學者聯盟」，號稱捍衞學術自由同埋團結學術界。簡而言之，都係黃。

呢啲學者，好行唔送，如果有人涉嫌違法，警方更加要徹底調查，一個都唔好放過！

原圖：科大網站

https://np.hkust.edu.hk/tc/top_minds_details.php?id=61

https://hkust.edu.hk/zh-hant/media/find-expert/search?term_node_tid_depth=2255