前年8月11日，阿爆眼女佢喺尖沙咀警署外嘅示威活動中眼部受傷，聲稱被警方用布袋彈打爆眼。嗱，事後有人質疑現場環境，警方要喺警署開槍射爆佢隻眼，可能性就唔大嘅，不過查案嘅嘢小編識咩吖！留返畀警方去查啦！

呢單案嘅後續，就係黃友不斷放大事件，話爆眼女傷勢嚴重，甚至失明，叫警察「還眼」，仲發起咗用手揞右眼影相行動，一時間黃友全部做晒獨眼龍，幾咁悲壯呀！

不過呢，事件未查明就唔好搞到咁大，否則最後瘀嘅只係自己。有消息指，爆眼女原來喺舊年9月已經去咗台灣，仲有相「流出」添！從相片可見，爆眼女雙眼好精靈，炯炯有神，到底左眼定右眼爆呀大佬，真係睇唔出喎！睇完啲相，小編都想叫佢還，唔係還眼，係還警方清白呀！

原圖：星島日報

https://std.stheadline.com/realtime/article/1089575/

https://std.stheadline.com/realtime/article/1089800/