去年底已移居加拿大嘅爆眼女K，近日浮上水面，孖埋男友豬仔（Pig）開YouTube頻道之餘，仲開埋Patreon掠水；全國政協副主席梁振英（CY）在其社交專頁連番發帖回應。CY在最新一Po質疑，以「Karla & Pig」為名義開通Patreon呼籲支持者眾籌資金，咁究竟係咪真係爆眼女自己收到錢呢？唔只CY，全香港市民都想知呀！

爆眼女喺2019年8月尖沙咀警署外聲稱被射爆眼，自此為大家熟知，之後屢阻警方查其傷勢報告，行徑相當詭異，引發廣泛懷疑。之後爆眼女被揭發笑住口開心坐飛機離開香港，好多懷疑獲得證實，令「爆眼女」這三個字成為講大話、有景轟的代名詞。

時隔多時，無面見人的爆眼女再次「出現」，雖然拍片，但只聞其聲不見其人，只係以聲音嘅形式蒲頭，再次成功引發不少人懷疑。相信不少人都已睇過「Karla & Pig」3日發佈嘅嗰條題為《加拿大生活》嘅片，爆眼女喺片中並無露面，得把聲，但有公開佢英文名叫Karla，而片中唯一露面嘅係佢隻狗狗。大家只能從佢口中所講嘅嘢得知佢同佢男友而家喺加拿大，其他消息一無所知。

雖然爆眼女話開設社交平台頻道，只係想畀關心佢哋嘅人了解佢哋嘅近況，但佢如此落力呼籲大家支持埋佢哋YouTube嘅Patreon，圖窮匕現，只為課金的想法表露無遺。對於此事，梁振英喺帖文中單刀直入，質疑點樣先可以知道收錢嗰個就係爆眼女本人（或其男友）。

梁振英問得好！的確，單憑爆眼女一方嘅講法，根本不足令人取信。就算黃友係固執都好，但都要將畀錢畀啱人嘛！你知啦，騙案好多，黃色騙案特別多、特別甘㗎！黃絲們，小心鳥！

原圖：梁振英facebook、大公報

https://www.facebook.com/photo/?fbid=1823847581311044&set=a.127929567569529

http://www.takungpao.com.hk/hongkong/text/2016/0706/6652.html