區議員不務正義，不但沒有誠心服務所屬區域，出政府糧卻一直與政府對着幹，其間參與非法集結被捕者有之、起底警員有之、驅逐警隊一哥離開會議廳有之、民政專員因質疑議程或議案不符《區議會條例》而多次離場⋯⋯其劣績斑斑，可說是罄竹難書。

之但係，政府今通過宣誓條例草案，一旦有人因宣誓無效或被裁定違誓而喪失議席被DQ，據悉當局會考慮追討薪津，或須還17個月薪津，涉近170萬元！

有關宣誓條例未通過前，有多名區議員已聞風喪膽，紛紛表態拒絕宣誓及辭職，理由多多，究其因多係自知「身有屎」！而草案三讀通過後，泛民料有80人離職，冇嘢嘅，早啲走人好過「偷雞唔到蝕渣米」，亦除笨有精也。

今趟修例不單止有「正面清單」，亦明確列出9大違反要求嘅「負面清單」，包括作出或進行危害國家安全嘅行為或活動；拒絕承認中國對香港特區擁有並行使主權；宣掦或支持「港獨」主張等。

黃議員質素低劣慘不忍睹

此外，修例同時列出「DQ違誓區議員4部曲」，呢4部曲絕對不是省油的燈，有全力執行嘅周詳，係處理虛假宣誓行為方面，如律政司完成搜證後，有足夠證據證明有關人士非真誠宣誓，即係「宣誓當食生菜」，將轉介警方調查。

至於若有人違誓，一旦律政司司長根據《立法會條例》或《區議會條例》提出法律程序，該議員即時自動暫停職務至法庭作最終決定。如最終裁定違誓、宣誓無效，或不符法定要求，不單止被取消就任資格，5年內更不得參加選舉。

人一黃，腦就殘！今屆一眾黃議員質素之低劣，真係令人慘不忍睹，之前有西貢區議員葉子祈搭巴士不戴罩，妄顧公徳，經調查後，日前已遭警方向法庭申請傳票予以票控；又如深水埗區議員日前開會，幾個泛民主派議員公然飲紅酒，認真無規無矩，開會當開派對。阿哥，一節知則百節見，咁嘅區議員係乜角色，都唔使筆者畫公仔畫出腸咯啩！現時政府以辣招撥亂反正，一眾黃區議員冇得留底走夾唔抖，市民確實飲得杯落！

原圖：星島日報

https://std.stheadline.com/politics/article/1521925/