使用者名稱
使用者電郵
密碼
確認密碼
年齡
性別
Generic placeholder image
想收到的資訊
  • 時事
  • 投資
  • 生活
喜歡的資訊
  • 編輯推介
  • 時事新聞
  • 博客
  • 投資
  • 趣味影片
  • 生活
教育水平
  • 小學
  • 中學
  • 大學
  • 碩士
  • 博士
常用的社交媒體
  • Facebook
  • 微博
  • WeChat
  • Whatsapp
  • Twitter
  • Line
  • Instagram
確認

我們會發送內含重設密碼連結的通知信給您

確認

博客

任由區議員玩晒
庸官管治無能應大幅削薪

2021.01.27 23:00 博客 葉鳴

過去一年黑暴肆虐加埋新冠肺炎夾擊,香港人喺政府無能,靠害市民下,活得實在痛苦!經濟凋敝,失業率創16年新高,市民即使保住飯碗,不少要八折、六折支薪甚至被迫無薪休假,人工收入唔見一大截,仲有十多日就過年!面對年關,年關難過,今年恐怕不再是「年年過」了!

中層即使有層樓揸手,因辣招過辣,失去自動調節功能,交投冷落,有價無市,陷入冰河期!想賣樓救命都難。嗱!有地產及建造界議員就指出,疫情持續一年令經濟大受打擊,市面上出現大量「吉舖」,依家唔係垃圾圍城而係「吉舖圍城」,物業成交量下跌,連帶影響各個行業!香港儼然係「悲情城市」!

筆者覺得,連區議會也變質變味,係地區上幫唔到小市民。立法會不久前繼續辯論《施政報告》致謝動議,多名建制派議員批評區議會已淪為反中亂港基地,攬炒派以區議會平台抹黑中央及港府,怒斥現行選舉制度漏洞多,促政府修訂區議員宣誓。政制及內地事務局局長曾國衛日前終表示,有關公職人員宣誓嘅修例工作範圍,將涵蓋區議員宣誓安排,預期農曆新年後把相關草案提交立法會審議。

事實上,盡快給區議員訂下規矩已刻不容緩,有論者甚至指出以過去「區議員之亂」,港府已經可以採取相應法律行動,奈何政府應盡快落實嘅行動卻一味拖。去年11月區議會議員選舉,攬炒派取得380個席位,區議會一夜染黃,香港從此多事矣!攬炒派又怎會關心民生政事,一心一意在地區發展吖!日前有立法會議員聯同一班建制派區議員與民政事務局局長徐英偉會面,除咗要求政府盡快修例落實區議員宣誓外,仲建議政府收返部分區議會審批撥款嘅權力,而局方就話會積極考慮。唉,又係官腔!

區議會政治凌駕一切

過去一年區議會已政治凌駕一切,不肯為地方做實事。舉個例,佢哋連不少傳統地區活動撥款都阻頭阻勢,其中大埔區議會拒絕資助予大埔體育會,導致已有多年歷史嘅大埔區龍舟競賽被迫停賽,令唔少市民感到無奈與失望!

當然,大家印象特別深刻嘅,相信係去年3月深水埗區議員李文浩和劉家衡聯合辦事處,不但張貼「光復香港、時代革命」嘅港獨標語,更明目張膽張貼「本辦事處不為任何藍絲提供服務,藍絲與狗,不得內進」嘅侮辱言論!阿哥,區議員係公職人員,根據《區議會條例》,參選人必須填妥及簽署一份含有擁護《基本法》及効忠中國香港特區聲明嘅提名表格,確保所有從政者擁護憲法《基本法》、効忠國家和特區,依家先來再修訂,其實都太遲喇!

成班區議員不務正業、濫用公職權力、疏忽職守!

嗱,過去一年,除咗唔少公僕被捕,亦不乏攬炒派區議員,好似沙田區議員李志宏,便因涉嫌係公眾地分作出喧嘩或擾亂秩序被捕!去年11月警方以涉嫌串謀詐騙,拘捕元朗區議員王百羽、九龍城區議員李軒朗等;其中王百羽嘅住所更被搜出仿製武器,包括8支仿製長槍,17支仿製手槍、仿製彈藥及一把木弓!

阿哥,這是為民請命的區議員還是大晒的政治惡棍?講真,咁嘅區議員,又點止係公職人員行為失當咁簡單!佢哋任期4年,過去一年已圖窮匕現,曾國衛局長,只修例就能堵塞漏洞嗎?

政府管治無能,連個區議員都管不到,「一國兩制」在一班庸官嘅怠政下,有乜辦法唔變形走樣?再不好好整頓區議會,使其真正為地區市民服務,成班庸官即使冇問責下台,理應大幅削薪三成,與市民共度時艱!

原圖:星島日報

https://std.stheadline.com/realtime/article/1425725/

投票已截止,多謝支持

發表意見

排列方式: