昨晚侵侵政府終於壽終正寢，一邊係拜登喺「戰區」華盛頓稱帝，另一邊係侵侵政府嘅斯人獨憔悴。過去四年以來，作為侵侵爪牙嘅前美國國務卿蓬佩奧更加係作惡多端，喺好多議題上面抹黑中國，攻擊中國，干涉中國內政等等。如今終於落台。
喺呢個普天同慶嘅時刻，中國外交部今早宣佈，對蓬佩奧在內嘅28名人員實施制裁（請按此重溫）。全國政協副主席梁振英係社交媒體發帖，話呢個就係中國嘅「後發制人」，仲話惡有惡報，如有未報，時辰未到。
外交部真係快手快腳，一落台就開蓬佩奧波，真係大快人心。做事毫不拖泥帶水，展示中國速度。中國好嘢！
原圖：無綫新聞截圖、星島日報圖片
https://std.stheadline.com/realtime/article/642660
返回
