本年二月初香港爆疫之時，黃色政治工會「醫管局員工陣線」策動罷工圖逼政府封關，醫管局決定近日出爐，涉事約7000的罷工醫護，竟然只係被扣除已發出的缺勤日子工資（請按此重溫），一共五日咁大把，同市民所期望嘅懲處完全沾不上邊，就連全國政協副主席、前特首梁振英都直指係「香港的雙重羞恥」！

斥范鴻齡「為官避事平生恥」

CY指出，醫護罷工嚴重影響香港醫療服務，是為一恥；而醫管局只是收回涉事醫護罷工期間嘅工資，唔會有其他懲罰，更指決定係合情合理合法同公平云云，「這是恥上加恥」。CY直斥醫管局主席范鴻齡「為官避事平生恥、姑息養奸又添一例」，今次決定將助長員工喺香港人最酈要醫療服務嘅時候罷工，因為代價只不過係扣人工！

不過，CY亦講明，如果有病人或者家屬因為有醫護人員於疫情期間罷工而遭受損失，可聯絡「803基金」，基金會認真考慮支持受害人或其家屬起訴醫管局及失職人員。

曠工原來只係「扣糧」了事，日後仲成世界嘅？以後香港人仲點樣指望醫護人員？齊齊畀Like支持CY出手為香港人討公道，杜絕歪風！

原圖：無綫新聞資料影片截圖、星島日報資料圖片

https://std.stheadline.com/realtime/article/1192955