日前港大通過任命清華兩名學者工業工程系主任申作軍及地球系統科學系主任宮鵬為副校長，結果激勵人心，但係過程就激鬼死人。由香港大學遴選委員將推薦兩名清華學者出任港大副校長消息出現開始，一班仇中友經已嘈喧巴閉，又指控學者背景，子虛烏有咁話申作軍係共產黨黨員，縱使對方已作出澄清，但係黃友就合埋眼唔睇，揞住耳唔聽，一味喪吠，完美呈現無理取鬧嘅嘴臉。

仇中友當中，有唔少係港大學生，其中港大校務委員本科生代表李梓成就曾話過要求延後表決，仲要對兩位學者嘅全部背景展開調查。縱使表決通過，兩學者獲任命，但係港大學生會會長葉芷琳都話要採取法律行動，要推翻任命決定咁話，黃友係咪惡到咁？學校請人都要佢哋批？有冇份畀錢出糧先？

黃皮白心

為乜佢哋要逢中必反？極有可能係佢哋一顆愛美爹之心！傳聞不少黃友背後都有美英等勢力扶持，部分較削嘅就調返轉想搲美英去扶佢哋。呢班人，一心崇洋媚外，唔肯承認自己係中國人，所以就抗拒中國嘅一切，黃皮白心，基本上同條蕉冇分別。蕉嘅下場係點？畀人食完之後，仲要用佢塊蕉皮去跣其他人，計起嚟，連Condom都不如！

大學生，讀咗咁多年書，點都有一定分析能力，好應該認清自己身份，堂堂正正做返個中國人，咪再咁傻去做蕉，畀啲外國勢力利用啦！

原圖：無綫新聞截圖