全國政協副主席、前特首梁振英認為，對香港教育問題要直斥其非！佢指出香港是中國不可分割一部分，問題上冇政治中立！教育局及辦學團體應做好「交通督導員」，見到有司機喺雙黃線上落車時，唔能夠因司機惡就退縮，因為我哋企喺道理嘅一邊，要勇於承擔對教育界嘅「魔鬼」，不是誰大誰惡誰正確！
講得好！事實係：反修例黑暴自去年六月以來，有約四千名學生被捕，而被捕嘅大中小學教師都接近百名；至於教育局早前回應立法會議員質詢時就表示，截至今年六月，共接獲二百二十二宗有關教師涉專業失徳嘅投訴。嗱！至日前先有九龍塘宣道小學一名「黃師」涉係教材散播港獨訊息，而被當局首次以「專業失徳」將其教師資格釘牌！
呢名被釘牌嘅黃師，明顯是自作孽不可活！
然而，事件引起反對派陣營、毒果報無理取鬧，又轟教育局局長楊潤雄推「港式文革」，「炒魷魚教師護航協會」——教協則聲大夾惡兼無準要為佢上訴！依筆者看，這正正是考驗特區政府是否能勇於和教育界嘅「魔鬼」決鬥，做到撥亂反正，救救已千瘡萬孔嘅教育！正如有人指出，說香港教育千瘡萬孔，那是太客氣了！香港教育根本由小學至大專教育，近幾年來可以說爛透了，香港教育係大崩壞！
教育大崩壞是日積月累而成，教育局搞到今時今日才有第一個「專業失德」嘅教師被釘牌，無疑應向市民道歉，說一聲：對不起，我們這一槍，開得太遲了！
香港教育大崩壞，正是「積寬成柔、積柔成怯、積怯成畏、積畏成廢」的惡果。筆者大早已指出今年開課時，眼見唔少中學容許學生喺開學日撒野，播港獨歌有之，當校長教師冇到，胡作非為，冇規冇矩，而有校長甚至「買佢哋怕」，連修改校規都唔敢，而喺黑暴期間，更容許學生穿住校服係校園外堵路，喺教師視線下阻居民返工，在校園內築人鏈等，試問當時教育局有行動阻止嗎？有正視問題嘅嚴重性嗎？教不嚴，師之惰；管不好，教育局之責！
根據警方提供嘅數字，自去年6月9日至今年9月15日，因黑暴事件被捕嘅10222中，當中近4000人報稱學生，大專生及中學生分別佔約5成半及4成半。有關數字足以證明香港教育大崩壞，要撥亂反正談何容易？
事實上，正如CY指出「港獨」根本冇討論空間，教育局局長有必要向學校提供清晰指引，令學校知道並不存在所謂「政治中立」。有人建議同國際教育潮流接軌，英、美及歐洲許多國家嘅做法，都會喺調查期間公開該教師嘅姓名。好似英國咁吖，教師被投訴，經查證後，負責頒發教師資格嘅教學管理機構便會決定是否轉交至專業操守小組進行聆訊，若然進入相關程序，涉事教師及所屬學校就會被公開，家長、學生何嘗沒有知情權？
香港一班黃絲、洋奴，開口埋口例必向英美看齊，今將專業失徳教師及所涉學校公開，不正合乎微言大義嗎？教育局長要守好「十年樹木，百年樹人」嘅長久大計，更不應為官避事！救救孩子！向魔鬼開戰！絕不能後退半步，否則香港教育必更大崩壞！
原圖：星島日報
https://std.stheadline.com/daily/article/2205792/日報-港聞-46反修例示威者潛逃加國尋庇護
投票已截止，多謝支持
返回
