中秋前夕，泛民向激進派送大禮——立‧法‧會！我‧要‧進‧來‧了！

一向對中國共產黨說不的泛民，認祖歸宗，獻祭「335位受訪者」支持，保住尊貴議員身份，責任卸民調；糧支歸自己。一場重歸立會的戲碼，完美收官。

眾人又可堅守「議會陣線」，雖然唔夠票；黃碧雲續可用「議員」身份幫12瞞逃，哪怕「朱(凱廸)隊友」唔撈。

10萬月薪袋袋平安，支持都不可流失。「我全都要」下，繼續道德勒索，霸佔高地，一句「兄弟爬山，各自努力」，梁家傑叫「同路人」唔好撞低自己友架飛機。

梁家傑靠嚇建制咪去盡

嘩！好大嘅官威，泛民「架飛機」竟是撼不了，打不得，政治自high的境界，又再一次high出新高度。

政治高潮之前，梁家傑仲大口氣忠告建制派唔好有風駛盡𢃇，靠嚇話咪再改《議事規則》，否則要喺選舉還咁話。

「出得嚟行，預咗要還！」呢句由政治流氓口中吐出來，特別有共鳴！

君不見好赴美拜見「政治親爹」者，以為若要成功，必先白宮，換來卻是快快「自宮」，DQ成功。倘不是靠厚面皮死賴，早就要同立會講拜拜！

所以話，邊個先要還？毋須factcheck都一清二楚，而且隨時要再用DQ嚟還！不過，正是有人如此犯賤，又要反又要選，尚要一臉無辜，委屈到要靠「阿爺」授命延任，先可以吊吊揈留低。

至於選舉囉？先唔講激進派追「跪低」債，下年有份選先再講啦！

原圖：無綫新聞截圖、鄭達鴻Facebook圖片

https://www.facebook.com/cpthcheng/?ref=page_internal