尼采說：說謊乃生命之必需。

對於窮途末路的壹傳媒黎智英，悲鳴乃生命之必需。

黎智英接受警方通宵扣查接近四十小時後獲䆁，休息一夜後，重返蘋果日報大樓，獲員工英雄式歡迎。佢分享感受時說他在警署羈留室時，躺在地上有所頓悟，反思即使早知今日，也不會改變行事決定：將來瞓喺監獄，whatever，我都係會揀呢條路！

偉大到真係好似「殉道者」！

然而，在另一場合，他又說：相信自己或其他人現階段不會被送到中國大陸審訊，但不除排日後有這種可能性。他在談話時數度哽咽。

可見被內地媒體形容為「叛國禍國四人幫之首」嘅黎智英，內心情緒有多糾結。唯一可以肯定的，他應該知道港區國安法實施後，自己已厄運難逃！之前的反中亂港，胡作非為，再不會受到「預約拘捕」嘅禮遇！時辰一到，乜鬼都報！「為美國而戰」，漢奸赤裸裸叛國禍港；一步行來錯，回頭已百年！歷史告訴大家，做得漢奸，除了泣黃泉，一定不會有甚麼好結果！

最好笑就係啲無恥文人，好似個位李怡，話佢為咗維護「各種自由中最值得珍貴的新聞自由，他願意用生命來殉道，卻不能不使人肅然起敬」！咪笑死人啦！道則道矣！不過係強盜嘅「盜」！

漢奸黎仲有個響朶叫「淫賤黎」，佢維護「新聞自由」咩？為咗多銷紙，淫賤黎不惜嘩眾取寵，揑造「陳健康叫雞事件」，至今仍然令讀者難以釋懷，乜做新聞可以賤格成咁？至於旗下刊物因發布不雅物品而被罰個案多達上百例，要不是淫審處一味包庇，罰極一千至幾萬，淫賤黎就當宣傳費，若然執正來做，早已罰到佢冚家破產喇！仲可以等到依家先來為「新聞自由殉道」？甚至吹噓佢應獲「諾貝爾和平奬」，將個大漢奸吹噓成咁，「讀書人」嘅良知良能不是給狗叼走了嗎！

其實，人在做，天在看，公道自在人心！有論者一語戮破漢奸黎嘅真面目：熱愛自由？應該係「熱愛豉油」啩？當年襯熱鬧，見有免費報紙咁掂，佢又想分一杯羹，於是搞份《爽報》，被狠批賣弄色情、荼毒青少年，結果兩年貨仔就「爽死」了！

漢奸黎為咗旗下報刊多銷幾份，其「狗仔隊」無所不用其極，偷拍女明星、藝人家居、換衫諸如此類層出不窮；又刊未成年少女濕身照觸犯《防止兒童色情物品條例》⋯⋯好心喇！依家一身都係罪，仲扮乜嘢「以身殉道」嘅鬥士？漢奸窮途末路，仲扮「委屈」，說甚麼形同「誅九族」？做少啲陰騭事，都當佢放下屠刀立地成佛啦！講嘢！

原圖：有線新聞截圖