【2020立會延選系列】士窮節乃見，大家又信唔信泛民攬炒派要「總辭」呢？
本港疫情仍然嚴峻，政府日前決定引用《緊急法》推遲立法會換屆選舉一年。呢一年嘅立法會真空期，如何解決離唔開三大方案。即一、設立看守議會；二、設立臨時立法會；三、延長現屆立會任期。
泛民攬炒派擔心早前被DQ嘅四名公民黨訟棍冇可能延任，於是有人提出應該「總辭」！認為咁可以令政府未來一年嘅議案缺乏民意授權，失去公信力喎！講真，如果人大常委一旦通過畀全體議員延任，反對派會有「骨氣」杯葛或總辭嗎？眾所周知，立法會議員是一份肥缺，更是世上罕有嘅筍工，地位「尊貴」而畀人嘅感覺「至高無上」。
反對派議員過去一年動不動就拉布，議會更經常「點人數」不足而周不時流會，更經常係一開會，喧嘩叫囂搗亂，擲屎尿臭蟲擾攘一番，被保安一一抬出去，就咁又收工可以去嘆咖啡或茶，個個月正糧都袋十萬個大洋！也就難怪「道不同」卻爭相「為謀」，反對派政客無不為一席位爭崩頭！
喂！依家話總辭，係就講得出做得到吖，天大喜訊，不過佢哋點捨得啲錢喎！呢啲都係網上最多回響！呢，起碼有「鄺神」之稱嘅鄺俊宇一定唔會贊同，網民話齋：辭咗？咁我點供我大角咀間千萬亳宅吖？你班友玩我咩？
泛民攬炒派根本就好似神壇貓屎，神憎鬼厭！佢哋太睇高自己喇！冇佢哋係議會搞搞震，民生議題就唔會喺度空轉，立法會就不至於淪為「垃圾會」！冇你班牛鬼蛇神充斥，立法會又點會失去公信力吖？只會更加有效率，唔會搞到議會雞毛鴨血！
正如主席梁君彥總結四年立法會工作時，指本屆立法會較上一屆開會總時數少約二百小時，而一班攬炒派議員，過去四年中多次投棄權票及缺席議會。呢，個位拉布成癮嘅訟棍郭榮鏗係缺席投票最多嘅議員，總共四百七十次。即係過去四年間逾半表決都冇現身投票，如此失職，點佩做「尊貴議員」?
所以話，未來一年立法會真係少咗佢哋，根半對大局全冇影響！要總辭唔該趁早，咪阻住地球轉吖！
泛民攬炒派全部係到做騷！扭扭擰擰半遮面笑死人！有心水清嘅就指出，不要說那些政治小說雞，他們被選舉主任一問立場，就一個二個說「立場已改」，明明每次遊行示威，都高呼「時代革命，光復香港」，如今就話「反對港獨」，其直話歪說使人失笑！正應了顧炎武所感嘆：故士大夫之無恥，是為國恥。吾觀三代以下，世衰道微，棄禮義，捐廉恥，非一朝一夕之故。正是一眾年青參選人嘅寫照！
公民黨好些訟棍，又忽然變調說「無意求美制裁香港」，前一刻還在舔美爹鞋底，此一刻講啲咁嘅嘢，怎不令人嘔吐大作！
原圖：頭條日報
投票已截止，多謝支持
返回
