黑暴7月1日再亂港,當中更有狂徒以利器傷警,受傷警員「爆爆sir」更被指在醫院受到不公平對待,事件引起全城關注,立法會議員葛珮帆為此去信醫院管理局主席范鴻齡,強烈要求醫護人員堅守專業操守。
葛珮帆引述報道指,「爆爆sir」受傷當日被送至東區尤德醫院骨科病房接受治療,期間受到不公平對待,當中包括有當值嘅醫護人員佩戴政治飾物,於警員面前製造不安感;受傷警員被粗暴抽血;探訪親友遭偷拍「起底」;更有醫生兩度叫仍虛弱嘅警員出院等。
葛珮帆批評指,醫管局嘅宗旨係「時刻不忘,以人為先」,但「爆爆sir」喺受傷期間,個別醫護人員不但冇盡力紓緩傷者嘅痛楚,反而蓄意刁難,直指係有違專業行為守則,更係同「醫者父母心」嘅仁義之風不符。葛珮帆同時指出,醫管局早已講明員工喺工作時唔應該穿戴任何令人反感或感覺被冒犯嘅飾物,但現竟有醫護人員公然漠視指引,斥該醫護人員將政治凌駕於專業之上,令人不安,對於近期頻頻發生同類事件,葛珮帆質疑醫院未有做好管理工作。
對此,葛珮帆表示對事件高度關注,要求醫院管理局嚴肅跟進、懲處涉事人員,同時應向公眾交代同類事件嘅具體跟進措施。
支持,撐嚴肅處理,醫者父母心,身為醫護應該係專業而不被任何政治立場影響,必須杜絕黃醫護歪風!
原圖:星島日報、爆爆Sir微博圖片
投票已截止,多謝支持