政府昨日向立法會遞交文件，建議所有今年7月1日或以後入職嘅公務員，都必須簽署文件確認擁護《基本法》(請按此重溫)。明明是理所當然之舉，新公務員工會主席顏武周今日回應時就疑慮多多，仲話有同事或會擔心基本嘅個人自由受限，所以在仕途方面，選擇隨時有取捨！
顏武周今日在港台節目《千禧年代》接受電話訪問時，稱牽涉同事甚廣，因已不只涉及敏感職位。之後又指出《公務員守則》本身已對公僕言行有嚴格要求，倘再有宣誓要求，會有種「架床疊屋」之嫌云云。
主持又問到新建議會唔會影響現職公務員士氣，甚至會否令人在仕途上有所決定？顏武周就話唔排除有呢個可能，稱要看實質內容及罰則如何，相信如果有自由及權利受限制，可能就會令同事自行選擇到底會否有所取捨云云。
公務員擁護《基本法》不是理所當然嗎？倘有人認為是刁難或是不滿意，只說一句︰好行唔送！
原圖：星島日報
投票已截止，多謝支持
返回
