港區國安法駕到，黃營驚到鼻哥窿都冇肉，希望鼓其餘勇抗議一番。民陣早前入紙申請7.1遊行，被警方嚴正反對，民陣不忿提上訴，有關上訴聆訊將於今日傍晚進行。不過，民陣副召集人陳皓桓話到明，就算上訴駁回，聽日7.1都會以「個人身份」繼續搞遊行，反國安法呀、堅持五大訴求之類，佢仲吹雞叫人參加添，似乎唔驚出席者要承擔乜嘢後果喎。

支持警隊果斷執法

更搞笑的是，陳皓桓話遊行時希望警方「克制」，同埋尊重市民和平表達嘅訴求。講真，警方一向好克制，但市民就睇到民陣遊行後，好多時都有人唔克制去搞事囉。而家民陣仲要惡到唔批遊行都要照搞，咁都得？還是那一句：支持警隊果斷執法，一搞事，即拉！

原圖：香港電台

https://news.rthk.hk/rthk/ch/component/k2/1534871-20200630.htm