內地官媒日前發表評論文章，指出國安法有利震懾分裂勢力，批評外部勢力「亂港成性」，赤裸裸干預香港事務和內政，更凸顯制訂港版國安法刻不容緩。一般相信，人大修訂嘅港版國安法，涵蓋更廣，不但適用於個人，還涵蓋組織、團體及機構。

港版國安法事在必行，針對顛覆國家政權、恐怖活動及外部勢力干預等罪立法懲處。消息一出，港版國安法如捉妖降魔靈符，一切牛鬼蛇神個個六神無主，嚇到屁滾尿流；最好笑係「叛國禍港四人幫」之首嘅黎智英，顫抖到語無倫次、神經錯亂話要「戰鬥到最後」，一身官司纏身，走唔甩想扮勇士？卻成隻死狗咁款公然向美爹呼救！聲聲淒厲，言行不一，心虛成咁，成個港版吳三桂想引美爹「入港」赫赫明甚，如此公然勾結外國勢力，仲唔係危害國家安全？

洋奴走狗固然一片哀鳴

嗱！中央一出手，就知真係有！香港作為中國不可分割嘅一部分，又點可以任由反對派政客、洋奴漢奸「攬炒」香港，令香港有機會成為國家安全嘅缺口！換言之，國家安全係冇得妥協㗎！美國佬大吵大鬧，話香港已冇「自治權」，威脅要對港徴收與中國貨相同關稅云云。事實係美國若實施制裁，將加速美國脫離世貿和全球主流經濟體系，自我孤立，嚴重損害美資在港利益，殺敵一百，自損八百，甚至自損一百零一，世間有如此笨賊耶？
香港嘅洋奴走狗固然一片哀鳴，而人走茶涼嘅末代港督彭定康又陰魂不散，一味攞張塵封嘅《中英聯合聲明》說三道四，指中國單方面引入有關法例，單方面違反聯合聲明喎！佢仲沾沾自喜話獲二十幾個國家，成二百個政壇人物聯署，當中仲包括十七名美國國會議員添！咁又如何？英美都有自己嘅國安法，香港係中國不可分割既部分，訂立國安法防止敵對勢力搞風搞雨，不是順理成章嗎？

講真，一個疫症，英美都自身難顧，美國佬隔空助拳，話有「強烈反應」，咪又係空有姿勢冇實際，香港啲洋奴漢奸以為執到寶！侵侵自身難保，抗疫無能，美國死逾十萬人，佢仲走去打Golf，仲嘴刁刁話如果唔係佢抗疫有方，美國人民起碼死多三倍！

唉！都話政客信得過，豬乸會上樹喇！何況一個只為選票嘅無良政客？

至於個位聲大冇準嘅肥彭，亦不過係過氣政客扮正義之士，挖番陳年舊史BNO居英權來廢噏，明係廢電池，又要扮有「縱橫家氣」，阿哥，英國佬已非昔日之「日不落帝國」，夕陽西下，脫歐後大把嘢未善後，經濟差到養唔起一艘裝備完整嘅戰艦，好心顧掂自己先啦！又話接收香港持BNO護照者，當年九七前已明跣港人一鑊，反中亂港者唔係咁到信啩？

年輕人，趁早收手，回頭是岸，否則，必定悔之晚矣！勿謂筆者言之不預也。

原圖：星島日報

https://media.singtao.ca/wp-content/uploads/master_sandbox/2020/05/i_src_023425845.jpg