中央推港版國安法遏獨理所當然,但美國卻一再插手中國及香港事務,侵侵及美政客等人不斷靠嚇話要制裁中國及香港,近日,美國國務卿蓬佩奧又衝出嚟抹黑「港版國安法」,更威脅要撤銷香港特殊待遇。
蓬佩奧周三向國會提交報告,指經過審慎研究香港嘅事態發展,確認香港唔再保證獲得1997年7月回歸前根據美國法例享有嘅特殊待遇,又於聲明中指為美國撤銷香港享有嘅特殊貿易及金融地位踏出一步,又噏得就噏,話基於事實理由,任何有合理思維嘅人今日都可斷言,香港唔再維持高度自治喎。不過蓬佩奧嘅決定並未即時生效。
另外,據路透社引述消息人士報道,美國政府現正考慮暫停給予香港出口貨品到美國嘅關稅特殊待遇,意即美國政府可能會對香港出口貨,徵收同中國內地一樣嘅關稅。
美國自己都顧唔掂,偏偏要一再插手中國及香港嘅事務,到底係香港唔再有高度自治,定趁機用香港攻擊中國,答案相信都好明顯!由此更證明立法護國有必要!你有咩想講?
原圖:無綫新聞截圖
投票已截止,多謝支持