有報告指，香港「購物天堂」光環褪色！內地人旅遊需求將轉移至大中華以外地區，或減少來港購買奢侈品。鬼咩！內地人來香港消費，你班黃絲當人哋係蝗蟲！唉，有錢冇碇使？與其花錢買難受，倒不如飛去其他國家開心購物喇！

基層手停口停 認真慘情

烈火暴行持續升溫，香港經濟衰退已成定局，大家都睇到，政府根本不必宵禁！日夜戰火漫天，餐廳、商場等因港鐵提早結束，路面交通又半癱的吊着鹽水，好多僱主迫着要求員工放無薪假，佢哋好多係基層，真係手停口停，認真慘情。

當然，一些小企業恐怕也撐不了多久，踏入鼠年，即使唔係整劑鼠疫你嘆吓，香港飽受社會內部騷動，成個香港地面幾乎無一吋完土；黑衣暴徒破壞力之驚人，肯定已揚名國際！此外，加上中美貿易戰不明朗因素，何況今次經濟的凋敝，很明顯涉及「人禍」，烈燄暴行嚇怕不少國際大品牌不敢再來香港拓展商機，未來香港還有甚麼優勢同人競爭？呢，站係中大一片廢墟嘅黑衣人，曾用乳臭未乾嘅語氣向大家喊話：「但係我向你哋保證，等我們成功後，香港的未來一定會更加美好、光明！」保你條命咩！

香港人就會有好日子過？

看官，有書唔肯好好讀，一味暴力堵路，呢的算乜「時代革命」？咪笑死人啦！要「光復香港」，卻一毛錢稅未交過，等你哋「革命」成功，香港人就會有好日子過？唔該慳啲！黑衣暴徒，自己反智，卻把港人都當低B白痴！家陣中大變廢墟，校長「段爸」相信會申請以億計維修費，你有計嗎？

香港嘅百年根基，估唔到畀你班暴民斷送了！作為獅子山下努力拼搏的一代，眼見你班黑衣暴民如此毀了香港的所有，我很痛心！不過，你們這些「小朋友」，實在太幸福了！普通市民彈個煙頭落地，就罰千五大元，而狂擲汽油彈，燒警車、燒舖、地鐵閘口諸如此類，竟可以當冇事發生？在香港做「小朋友」，原來真係好過做皇帝啊前世！

小朋友，你們生長在一個有良好讀書環境且資源不缺的時代，更有一個對你們百般呵護的行政長官。不是嗎？特首林鄭日前出席行會前晤傳媒，因應理工大學嘅情況，她表示已責成警方，行動必須按照「和平解決」與及「人性化處理」；佢仲解釋點解冇親自去理大嘅主因：即使我心都好想去現場說服這些學生離開，但我的出現可能只會加強熱度，令此事更難和平處理。林鄭終於有點「自知之明」了，不過，咁嘅妥綏政策，一向愛高歌大和解是福嘅特首，難怪止暴無能，制亂無方！

一班廢柴髙官，朽木為官

加上佢一班廢柴髙官尸位素餐，朽木為官。

呢，個位政務司司長張建宗，頂多係一部錄音機，多少次聽佢廢噏：面對局勢近日進一步急劇惡化，特區政府一定會採取更果斷措施制止暴亂，希望社會一切盡快回復正常，是我們的首要任務。阿哥，特區第二把交椅，講呢啲講極都唔厭，市民就聽到耳仔結繭！做一具到時到候啟動嘅錄音機，不如去掃除路障，執塊磚都算你對社會有貢獻啦！

不過，筆者仍對香港有信心，皆因這個城市，仍然擁有一支優秀嘅警隊，他們對付黑衣暴徒，仍有幽默感：你哋整爛地鐵，挖啲路。我都未見過理工大學外面有沙灘，真係心裏有沙，那裏不是馬爾代夫吖！

警察有這樣的質素，難怪香港仍可挺住！

原圖：星島日報

https://std.stheadline.com/instant/articles/detail/1133516/%E5%8D%B3%E6%99%82-%E9%A6%99%E6%B8%AF-%E4%BF%AE%E4%BE%8B%E9%A2%A8%E6%B3%A2-%E8%AD%A6%E5%93%A1%E8%A1%9D%E9%80%B2%E6%B2%99%E5%92%80%E9%81%93%E5%BF%AB%E9%A4%90%E5%BA%97%E6%90%9C%E6%9F%A5%E7%96%91%E4%BA%BA-%E8%AD%A6%E5%91%8A%E8%81%B7%E5%93%A1%E6%88%96%E9%98%BB%E5%B7%AE%E8%BE%A6%E5%85%AC