黑衣反修例反到最終變仇中，令到愛國都變成有錯，但愛國是本份，何來的錯？因為香港部分激進嘅年輕人將反修例問題牽扯到國家，令到在港讀書嘅內地生飽受痛苦及欺凌，令內地生處於一個「愛不得」及「說不得」嘅慘況。內地生因愛國遭欺凌，因發聲被辱罵，更慨嘆在校園沒言論自由！

10月中旬與中大校長與學生會面中，內地博士生張婷錯無懼黑衣壓力，講出「民主和自由是建立在法治的基礎之上」，其言論道出咗好多香港及內地生唔敢講出嘅心底話，更被網民大讚。近日《文匯報》專訪張婷以及兩位內地碩士生，談出佢哋喺香港遭政治漩渦滅聲嘅生活，三位內地生表示，嚟香港係為咗靜靜地唸書同享受校園生活，但因為接二連三嘅政治活動，令到靜心唸書居然變成卑微願望。

慶祝國慶要偷偷摸摸

中大碩士二年級女生小丁表示，「愛不得」係唔可以展示自身愛國情懷，因為內地生受到唔同程度嘅欺凌，佢哋連慶祝國慶都被打壓，有學生將其掛在舍內的國旗強行摘下、用雷射筆照射宿舍窗戶、女生被粗言穢語問候外，仲有香港學生破壞佢嘅房門鎖及由門縫灌污水等，此一系列欺凌行為，讓其感到憤怒，但由於宿舍走廊冇閉路電視，捉到疑犯機會低，所以最終只能無奈接受。

小丁感慨連表達愛國情感都需要偷偷摸摸，其為慶祝國慶，只可約百名內地生在私下組織唱國歌、唱愛國歌曲，連影相都只敢影背面。

聚集起就變集體攻擊

而「說不得」則係代表，喺反修例學生欺凌嘅「黑色恐怖」下，內地生表達諗法嘅空間愈收愈細，張婷好無奈地指，內地生喺校園內係無言論自由。張婷更指，內地生於早前「罷課」集會上因表達同反修例生不同觀點，即遭本地生包圍、謾罵、事後亦遭到起底，更有人會反過嚟抹黑內地生。張婷指香港學生喺「正常相處」係可以理性討論，但一旦一班人聚集起嚟，就會變成集體攻擊，張婷慨嘆呢啲係政治動員式嘅群體效應，一班人聚於一起，就以為法律、規矩管唔到，從而做出過激行為。

愛國本無錯，每個人都有發聲嘅權利，支持內地生勇敢發聲，為內地生打氣！

原圖：環球網片段截圖、網絡片段截圖