黃營近日瘋狂指8月31日港鐵太子站有死人、有人失蹤,無證據下大講特講,當中包括近來被發現浮屍海上嘅失蹤女子高秀蘭。連登討論區上有指高秀蘭死於太子站,經《星島日報》求證後,失蹤者離奇死亡只係謠言,而死者丈夫更怒斥係啲人亂咁嘈!
近來,網上流傳8.31失蹤者「被自殺」嘅傳聞。而於本月16日上午8時,於將軍澳海濱公園對開海面漂浮,警方撈起五十七歲女死者高秀蘭,事後網上謠言一堆,質疑女死者於當天失蹤,又有指女死者雖在海上漂流,但被發現時卻變「乾屍」,質疑其死因。
據《星島》調查後,死者高秀蘭丈夫「阿華」表示其太太失蹤過程已被公開,強調非網上所指係死於8.31港鐵太子站內,他更斥有人亂咁嘈,「阿華」又指太太有抑鬱症,但因私隱問題不想談及太太自殺原因。
而網上所指嘅「海上乾屍」亦係屬胡言,據消息指,女事主被發現時屍身腐爛及腫脹,警方調查後相信死因無可疑。
有人為炒作而不停散播謠言,究竟居心何在?更何況借逝者煽風點火,反對派真認為毫無問題嗎?
原圖:星島日報、無綫新聞截圖
投票已截止,多謝支持