使用者名稱
使用者電郵
密碼
確認密碼
年齡
性別
Generic placeholder image
想收到的資訊
  • 時事
  • 投資
  • 生活
喜歡的資訊
  • 編輯推介
  • 時事新聞
  • 博客
  • 投資
  • 趣味影片
  • 生活
教育水平
  • 小學
  • 中學
  • 大學
  • 碩士
  • 博士
常用的社交媒體
  • Facebook
  • 微博
  • WeChat
  • Whatsapp
  • Twitter
  • Line
  • Instagram
確認

我們會發送內含重設密碼連結的通知信給您

確認

博客

地鐵CEO下台 中南海保鏢上台
大家以後必定可以準時上下班

2019.09.03 11:00 博客 葉鳴

香港嘅暴力衝擊,不斷升温!

暴徒破壞地鐵站設施,尤其令人髪指!八月三十一日嘅港島非法集會遊行,最終演變成流血衝突,期間港鐵旺角站及太子站,分別發生破壞車站設施及打鬥事件,速龍小隊等警員衝入站內月台搜捕,更一度衝入列車,在搜捕行動中共拘捕六十三人,撿獲一批汽油彈及彈叉等武器,當中被捕者,有一個毛都未出齊嘅十三歲𡃁仔,佢涉藏有兩枚汽油彈,且擕有火機!

暴徒大肆破壞港鐵

九月一日,一大班暴徒恍如打了雞血、食錯過期弗得,大肆破壞港鐵東涌站,暴徒以鐵鎚長棍鐵通等撃碎客務中心玻璃、閉路電視、車站控制室、出入閘機及售票機無一倖免被砸爛,又放消防喉噴水⋯⋯總之,勁過哪吒大鬧水龍王,又野蠻過齊天大聖大鬧天宮!期間又行私刑、暴打市民,其無法無天,真係筆者這支禿筆難以形容!

香港陷入一片腥風血雨,動盪不安!這不是敍利亞,卻更似敘利亞!

港鐵職員放任不理

更令筆者難以釋懷嘅係,從電視新聞畫面所見,有港鐵職員在旁觀,有人自說自話,只識搖頭嘆息:佢哋用錯方法!

喂!平時見到有人托住大件行李,你哋識得喝住佢㗎!啲乘客件樂器大件啲,長過度,你哋會依附例唔畀佢上車㗎!家陣啲暴徒咁蹂躝嗰車站設施,你哋就放任不管,粒聲唔出?咁都唔緊要,你哋有冇第一時間報警緊急求救?東涌警署距離東涌站不過數步之遙,點解啲警察咁遲先到?要由機場趕去驅捕啲暴徒?到咗啲暴徒已如水四流,又散去第二度搞破壞喇!警方咁算唔算失策失職?

近三個月嘅暴亂,政府管冇能彰彰明甚!而警察執法亦畏首畏尾,欠缺果斷!

港鐵管理層須下台

至於港鐵管理層,一再被暴徒玩到陀陀轉,筆者睇見都好忟憎,本報林芸生在其博客「七問港鐵管理層」,正好道出筆者心聲!

嗱!年薪一千一百四十萬,勁過美國總統倍倍聲嘅港鐵行政總裁金澤培,在連串暴力事件中做過乜?有乜承擔?計我話,佢要問責下台!炒咗佢,用千多萬請中南海保鏢來守護地鐵,如果每人月薪五萬,足夠請二百多個,如果每人月薪十萬,都可以請百多個,地鐵有事,由佢哋去執行「鐵路附例」,筆者敢寫包單:地鐵各站必定秩序井然,永不會有廢青、曱甴阻人上下班,至於破壞,你班暴徒諗都唔好諗,未舉鐵鎚已被打趴於地變烏龜王八蛋!

千祈咪以為筆者在寫怪論!非常時期用非常手法!

金澤培下台,中南海保鏢上台!

筆者以後買股票投資,浄揸地鐵不放矣!

原圖:文匯報

投票已截止,多謝支持

發表意見

排列方式:
黃就是蝗
"警方咁算唔算失策失職?"而家好多地方:機構、商場、屋苑都講咁話不要警察入內。地鐵都講過。你咁叻,你自己都話自己搞得掂,咁警察點解仲要熱面孔貼冷屁股呢?你自己咁叻點會唔識得收風唔識得評估風險,一早請定保安或者請警察派人駐場?咁出咗事你賴警察?Be a man 啦。
3天前
黃就是蝗
車站控制室不是嚴限非工作入員進入,以保證行車運作安全的嗎?應該至少也拍卡出入吧?當大堂有情況時,控制室內職員不是應該即刻落閘上鎖的嗎? [] 為什麼9/1東涌站控制室可以任由暴徒自由出入,還隨地倒液體 4升起碼,至少2桶?如果暴徒倒的是電油火水,那麼東涌站是不是又要整多個捐血中心?("石峽尾匯豐銀行縱火") [] 地鐵職員如果不追究此事,那麼以後就不要再投訴管理層甚麼不保護前線了。你的命你自己都不重視,你怨誰? [] 喺咪同國泰飛機D氧氣樽一樣,有內鬼?大開中門放賊入屋?
3天前
黃就是蝗
呢位亞叔唔好口嗡嗡,擘大口就放屁。咪會俾人笑㗎。[] 你話"東涌警署距離東涌站不過數步之遙"?請問一聲,你以前或者你發文前,有冇實地去行過一轉,親身體驗過條路係點行?你又知唔知當日路況?[] 嗱,由東涌警署行去東涌站,條路基本上係一個7字形,東涌警署出嚟係一條大馬路「順東路」,六線雙程,中間有植帶分隔。然後右轉入「達東路」四線雙程。[] 當日,「順東路」好似?係俾路障塞咗=馬路塞實停晒巴士貨車私家車。但可確認:「達東路」往警署方向的行人路邊D安全圍欄已經被暴徒拆晒,行人路面得番一排「鐵樹」。D安全圍欄去晒邊?[] 咁你話東涌警署D警察要幾耐先可以去到東涌站呢?仲唔講話佢地組不起陣型衝鋒驅散 - 你叫D警察同暴徒在車龍裡面隻揪牙?[] 如果你嘅「距離論」係啱嘅,咁你又唔講吓"葵芳警署距離葵芳站不過數步之遙"?都咁多次添啦![] 另外,人手問題。你不如講話:"全港有成三萬幾警察,全部入晒東涌,咪所有暴徒都拉晒囉。"[] 你以為,當日機場咁多防暴警察,裡面一個東涌警署抽調來嘅都冇? [] 唔該,我都好慶,但係,慶還慶,要搞清楚問題主因先得㗎。如果沒有暴徒,哪來的車站破壞?如果沒有暴徒搞破壞,哪用出動防暴警察?好多時候,我地雖然幫唔到咩嘢手,但至少可以企埋一邊,唔好喺度阻住礙住人地做嘢,明唔明?[] 亞Sir都好辛苦㗎,三十幾度天,要孭住幾十磅重,仲要奔跑,仲要陪行幾粒鐘,你估佢想㗎?掉轉諗吓:如果如果裡面有你親兄弟,你又會點講?[] "我們歲月靜好,皆因有人負重前行。" 做人,要常懷感恩之心呀。
3天前
Robert Cheung
十分支持,中南海保鏢好打🉐️架,早就要請啦!
3天前
Candy Wan
十分支持,中南海保鏢好打🉐️架,早就要請啦!
3天前
Thomas WS Kwong
支持港鐵管理層全部下台
3天前
William Sin
所說甚是。
3天前