香港今日淪為妖獸都市，日日夜夜有班廢青在搞嘢！自己冇所事事，卻搞甚麼「不合作運動」，在上班嘅繁忙時間，用叫囂、背囊阻港鐵列車關門，搞到啲要返工嘅人唔能夠準時返工，有啲唔好老脾嘅市民，就同班廢青理論，甚至「以武制暴」，推佢哋出車門！開講都有話「阻人搵食，猶如殺人父母」！
對住呢啲咁嘅廢青，警察和地鐵員工應該嚴格執法，依正條例票控佢哋，否則姑息養廢青，只會令佢哋變本加厲，香港失序，喪無日矣！如今不少年輕人目無法紀，不知天高地厚，率性而為，狂妄到令人髪指！
日前睇G報視頻，見到兩段都係同香港城市大學嘅學生有關，事緣一名城大校友懷疑不滿偽民主黃衛兵的所作所為，憤然出手推倒校內的所謂「民主女神像」，學生會成員不滿校內保安未將涉事者身份交出，便在圖書館內瘋狂爆粗、辱罵保安主管，及至警察到場調停處理，又再一番狂囂亂叫、嘲辱警員，筆者又睇過另一段視頻，係同一班學生會成員包圍警車、粗口問候一眾警察的片段，其無法無天已跡近上帝要佢哋滅亡！
其中有一把特別刺耳、尖拔嘅女聲，一直問候眾警察嘅娘親，如此粗口爛舌王是大學生，實在叫人不敢相信！阿哥，黑社會劈友暴粗，都不至於把人家娘親如此分分秒秒的掛在嘴邊！這真是城大的恥辱，竟然可以教出如此不堪入目的「大學生」！其中一個以極其刺耳的高音貝謾罵保安的女生，原來是該校學生會成員邵嵐，佢早於上月《城市論壇》，除了盲撐暴徒及辱警外，更狂言要「推倒中共」！
想不到納稅人有份資助的一批香港城市大學的大學生，竟然是一班用口放屁的「大學生」，這錢比倒落海花得更冤枉！我們的大專教育，究竟出了甚麼問題？為甚麼近年總是有一大班不是在「求學問」的大學生？而是一班專門搞事的滋事份子？
民國教育家蔡元培曾說：沒有好大學，中學師資哪裏來？沒有好中學，小學師資哪裏來？所以我們第一步，當先把大學整頓。筆者看到如今的大學生，往往要求與校長對話，其氣燄咄咄迫人，而校長竟變得唯唯諾諾，成隻鵪鶉，好似買佢哋怕咁款！試問如何把大學整頓，真係諗起就把鬼火！
當今大學政治化，無疑已去到令人憂心嘅地步，學生對師長不存絲毫敬畏之心，譬如開學禮盲目播獨，畢業禮又玩嘢：舉黃傘、對主禮嘉賓叫囂或以屁股對之，令大學蒙羞，而各大學校長對此亂象，似乎完全無符，頂多發吓內部電郵，表示「遺憾與失望」！
筆者覺得大學校長任重道遠，怎麼可以任由學生如此撒野？像城大學生呢單粗言穢語辱罵保安和警察事件，城大校長若處理不善，等同縱惡養奸，這是遺禍人間啊校長！「教不嚴，師之惰」，大學校長們，請拿出你們的教育良心、道德勇氣，救救下一代！
原圖︰無綫新聞截圖、城市廣播 City Broadcasting Channel (CBC)影片截圖
投票已截止，多謝支持
返回
