藝人鄭家生早前經過沙田新城市廣場時，眼見黃友刁難廣場嘅職員同保安，故隻身同一眾黃絲理論，事後獲大批市民激讚見義勇為（請按此重溫）！近日，鄭家生接受網媒《港人講地》專訪，為當日事件現身說法，怒斥黃絲唔允許香港有另一種聲音，更心痛香港畀班黃絲搞到愈嚟愈差！
鄭家生表示自己有健身習慣，而剛好健身嘅地方就係新城市廣場。當日做完健身嘅佢路過，見到成百人圍住保安櫃台，係咁叫人哋交代，鄭家生因為睇唔過眼，繼而同班黃絲理論，但就畀黃絲係咁噓。鄭家生狠斥黃絲蠻不講理，「佢哋講啱我講就唔啱，香港社會仲講咩言論自由？」更心痛詰問：「香港社會唔准有第二把聲？」
鄭家生表示自己非藍絲黃絲，只係心痛香港，「我喺香港出世，喺香港大，我係正正式式嘅香港人，我喺香港生活咗60幾年，我依家見到香港搞成咁，我真係覺得好難過。」鄭家生慨嘆，香港人嘅質素一向都唔係咁差。鄭勸大家應該靜一靜，應該去諗清楚，香港係咪需要咁？需唔需要嘈到香港咁亂？鄭家生又指遊行示威係冇所謂，但最好係遊行完和平散去，而非搞事！
鄭家生表示每個人都有權表達意見，但可恨有一班人唔係，只係喺度搞事。他質疑，暴徒又挖磚又拎鐵通，「咁叫和平？」
鬧得好，鄭家生真係講出我心聲！香港絕對不只有黃色聲音，每個人都有發表意見嘅權利！支持鄭家生為公義發聲！
原圖：鄭家生Facebook、無綫新聞截圖
投票已截止，多謝支持
返回
