每次自己道理上講唔過去，反對派就會轉移視線喺外國唱衰國家同香港！黃藝人何韻詩日前在美國《華盛頓郵報》應邀撰文，大唱特唱修逃犯例，講到好似世界末日咁。何韻詩可能真係自覺「身有屎」，所以未修例都驚成咁。

何韻詩日前以反修逃犯例為題目在《華盛頓郵報》撰文，開宗明義地指自己是時常唱衰中國及香港的人，所以對修例特別不安。她進一步指，香港在過去5年的自由都受到打壓，舉例指銅鑼灣書店事件、DQ搞事議員等等。

明言好不安 自知身有屎？

何韻詩不無沾沾自喜地提及反對派搞出來的反修例聯署，指是次反修例激起香港人的行動，各階層、背景都人都走出來反修例，昔日因佔中感到失望的人，包括港獨派都團結起來。佢話對此感到激動，認為香港有希望。何韻詩最後在文章指，香港人開始會正視長期鬥爭，不會讓香港不戰而降。

對於她左一白香港，右一句香港，網民大感不屑，怒斥她「攞住個加拿大護照扮乜嘢香港人」。又係喎，何韻詩係加拿大人，中國同香港嘅事又關佢幾多事呢？

文章講完佔中，就提到以暴力見稱的港獨派，最後仲話要長期鬥爭。唔通佢暗示緊有大搞作？不過唔怕喇，佢係加國人，有咩事咪自己走，留返啲炮灰喺香港囉！

原圖：何韻詩 Facebook Page

https://www.facebook.com/HOCCHOCC/photos/a.242914560229/10161716539715230/?type=3&theater