泛民力出賤招阻政府修《逃犯條例》,自行集會之餘,仲用暴力阻撓正式會議,令立法會頓成笑柄。建制與泛民將於明日開會解決「雙胞委員會」問題,但「毛婆」毛孟靜一早劃定紅線,表明泛民「底線」係要涂謹申主持會議喎,即係又想玩晒。
建制派決定由廖長江等4人,明早與反對派4名代表會晤。廖長江指,建制派的底線是只承認一個法案委員會;而身為泛民召集人嘅毛婆就話,聽日會聯同楊岳橋、梁繼昌以及最近乞人憎到爆嘅胡志偉出席,仲講明底線就係要確認由涂謹申主持嘅法案委員會先係「合憲合法合理」喎,但就懶係嘢話聽日會面係要「找出雙方認同嘅方法」,又話會對前事「一筆勾銷」云云。
聽到毛婆主動去講「一筆勾銷」,真係聽到都打冷震!毛婆話明底線係要建制承認涂謹申主持會議先係正規,潛台詞就係,建制一日唔認輸,佢哋就會繼續玩嘢玩落去。全港市民當日睇住泛民政客用暴力、用粗言搞出一鑊泡,今日則見到佢哋獅子開大口,大家有冇嘢想同班泛民講?
原圖:大公報、無綫新聞截圖
http://news.takungpao.com/hkol/jsxw/2016-06/3339428.html?pc
http://news.takungpao.com.hk/hkol/topnews/2016-11/3392444.html
投票已截止,多謝支持