霸權：我做乜都得，你做乜都唔得！早前美國政府潮興明屈中國留學生係間諜，有趣的是，美國近日卻應加拿大要求，向中國施壓，促華放加拿大間諜，完全唔理佢哋犯咗乜嘢法。原來捉間諜都可以雙重標準，學到嘢喇。

中國早前依法拘捕加國前外交官康明凱及商人斯派佛，前者涉嫌為境外竊取、刺探國家秘密和情報，而後者則為康明凱嘅重要情報關係人，此事令中加兩國關係更加緊張。

細佬急Call大佬

加拿大連月得罪中國，似乎唔好好頂得住，於是總理杜魯多近日急Call大佬美國，跪求美國插手，請侵侵幫手施壓中國放加拿大間諜咁話喎！據杜魯多的總理辦公室發聲明指出，侵侵同細佬杜魯多喺電話入面討論被中國拘留嘅兩位加國間諜，加方話會努力確保佢咃獲釋，而白宮則應承幫拖，將施壓中國放人，爭取獲釋云云。

唔理疑似間諜們有冇犯法，總之加國細佬叫到，美國阿哥就幫拖叫放人，認真兄弟情深，感動天地囉！

原圖：Donald J. Trump Facebook、Pixabay圖片、無綫新聞截圖

https://www.facebook.com/pg/DonaldTrump/photos/?ref=page_internal

https://pixabay.com/zh/photos/五星红旗-飘扬-中国-北京-540874/