涉暴動罪嘅梁天琦打甩官司，唔少演藝界人士深感氣憤，除咗曹永廉同高志森外，就連資深藝員劉桂芳聽聞判決後，都慨嘆一句：「早就知啦！」
劉桂芳梗係唔會喺事前預知到陪審團會有咩判決啦，不過近年嘅判決屢屢出人意表，黃絲衝擊搞亂檔唔使坐監，七警同朱Sir卻因為執法而鋃鐺入獄，既然有先例可循，咁劉桂芳會估到梁天琦脫罪都不足為奇嘅。
劉桂芳喺Facebook上意有所指咁話：「你話判到佢十年監就出奇，連眼鏡舖的眼鏡也跌曬（晒）落地」，似是暗嘲黃友涉案多數都可以甩身，不過呢個黑色幽默，就係香港人嘅悲哀囉～
近年判決出人意表，似乎大家都已經習慣晒，見怪不怪，唔知大家又會唔會同劉桂芳一樣，有「早就知」嘅悲哀呢？
原圖：劉桂芳Facebook、Now新聞截圖
投票已截止，多謝支持
返回
