開講有話，唔怕生壞命，最怕改錯名。京城「大老虎」周永康被判無期徒刑，注定在獄中殘度餘生，除咗貪污納賄應有此報，會唔會都同改錯名有啲關係呢？ 天靈靈地靈靈，互聯網會顯神靈！隻抽俠嘗試在「八字算命名字測試評分網」輸入姓「周」名「永康」，得出不同門派分析結果。 先看「三才配置吉凶測算結果」，顯示該名屬「兇」，簡批：成功運被壓抑，不能有所伸張，殊多不幸不滿，有陷於病難，短命，甚至有遇突發急變之災禍而急死。 至於「人格」一項就顯示，【周永康】好社交(去過美國)，心胸開闊而尚禮，富有調和性；略有虛榮心，日常生活浪費(點只浪費啊，簡直奢靡啦！)。 再來「五格命理」，話佢「喜歡把錢花在面子工程上」，似乎又幾中喎。 最誇張係「成功運」運算結果：易患心臟病、神經麻痺或腦溢血等重病，嚴重的有自殺等情形發生。 嘩！睇來周永康呢個名，真係唔係幾好。 唔信嘅話，不妨上「八字算命名字測試評分網」試試，唔係隻抽俠老作㗎！ 網址：http://v.8s8s.com/xingmingceshi_2.php