炒了姜國元，紅了岑倚蘭。近日一打開電視報章，總能看到記協主席岑倚蘭的熟悉身影，看她為姜國元奔走「伸冤」，聲嘶力竭...... 然而，就在炒姜事件沸沸揚揚之際，壹工會4月29日發出公告，說《蘋果日報》突發組炒了6人，近日《壹週刊》也裁減了約10名員工。而奇就奇在，以「記者工會」自居、以「傳媒人守護神」形象示人的記協岑倚蘭，竟然對此不吭一聲！ 結果記協唔講，壹工會一個巴掌拍唔響，壹仔炒人件事好少人知，便靜靜雞過骨。也難怪《蘋果》撐姜撐得咁大力啦！畢竟炒人唔係一件好事，焦點喺人度點都好過喺自己度。

點解唔係一視同仁？咁大細超呢？

但隻抽俠諗來諗去都諗唔通，既然大家都係新聞機構，被炒嘅都係新聞工作者，記協捍衛同行權益，點解唔係一視同仁呢？點解岑倚蘭對《明報》炒一個人咁大反應，對比壹仔裁員規模足足等於《明報》16倍，佢反而粒聲唔出呢？莫非佢覺得姜國元一個人頂十六個甚至更多？點解咁大細超呢？ 回說《蘋果》炒人，總編輯陳沛敏死撐「炒人唔係裁員」，而是因應公司轉型及需要節流，要求各部組檢討架構及編制，印刷版稍後會有版面改動云云。有行內人道破箇中玄機，所謂「版面改動」很可能是兩組轉成一組，炒三份一人輕而易舉，大裁員很快來了。到時候，飯碗不保的員工們可以怎辦？還要向記協岑倚蘭求助嗎？ 原圖：http://www.bastillepost.com/hongkong/6-%E5%A4%A7%E8%A6%96%E9%87%8E/180067-%E5%85%A7%E5%9C%B0%E8%A8%98%E8%80%85%E9%AB%98%E7%91%9C%E5%A4%B1%E8%B9%A4-%E6%B8%AF%E8%A8%98%E5%8D%94%E7%B1%B2%E4%B8%AD%E5%9C%8B%E6%94%BF%E5%BA%9C%E4%BA%A4%E4%BB%A3?r=w

投票已截止，多謝支持