今天為大家介紹嘅呢個地方，應該無一本香港旅遊書介紹過。就係日劇《海女》嘅拍攝場地，久慈。

久慈位於日本東北面嘅岩手縣，係一個海邊小鎮。人口唔多，平時無乜人會留意到。但係一套日劇嘅出現，令到呢度變左個旅遊勝地，亦都突出左呢個地方嘅幾個特色。

北之海女

第一個特式，就係海女。海女解作以潛水捕漁方式作業嘅女子。其實除左久慈外，韓國濟洲亦有海女。不過由於久慈呢度係全球最北方有海女作業嘅地方，所以呢度嘅海女又稱為北之海女。佢係仲要係徒手蔽氣咁潛入水入面捉海膽，遊客除左可以現場參觀佢地潛水之外，佢地仲會即場開海膽比你食。日後嘅文章會有詳細嘅介紹。

琥珀王國

第二個特式就係琥珀，久慈係其中一個最古老開採琥珀嘅地方。所以呢度嘅琥珀非常有名，質量仲好好。呢度有間琥珀博物館，可以比大家參觀同購物之餘，仲可以比大家試下打磨琥珀，同樣地，日後嘅文章會有詳細嘅介紹。

三陸鐵路北谷灣線

日本小村落，都總有一條好有紀念性嘅鐵路，而久慈呢度就係呢條三陸鐵道北谷灣線喇。大家可以見到，火車上面係無電線的，無錯，佢係柴油車黎架！

今集講住咁多先，下星期日起，一連數個星期，我會同大家深入久慈嘅各個景點參觀，帶大家食即開海膽、睇琥珀，仲有牧場直送嘅燒肉。下星期日見。

圖：由作者提供；海女海報轉載自日本放送協會