港大校委會前日下午召開會議，係新任校委會主席李國章上任後首次主持會議，在校委會會議開始前，已有學生到場抗議。當李國章到場，一眾學生更推倒鐵馬，企圖衝向大樓。及至晚上八點半左右，校委會會議結束，李國章及校長馬斐森步出大樓準備離開時，學生一湧而上，將李國章及馬斐森重重包圍。李國章及馬斐森被迫折返大樓暫避，李國章被困在大樓達四小時之久才在警方保護下離開。另一校委紀文鳳離開時亦遭學生包圍，紀文鳳感到身體不適，需要召喚救護車送院。
除此之外，學生更堵塞停車場及逃生通道出口，並以鐵鏈鎖上，攔截接載校委嘅校巴，要求與校委對話，現場情況非常混亂。警方進入校園執法，但學生仍然繼續衝擊。身兼校委嘅學生會會長馮敬恩更重施故技，企圖打開大門放學生入內搗亂，最後功敗垂成，大門門柄損壞。
學生非法禁錮校委，繼而毀壞學校公物，如此無法無天、視法例校規如無物嘅行為，係所有法治社會都唔可以容忍，港大必須嚴肅處理，方能平息民憤！
李國章上任前後，由反對派組成嘅港大校友關注組及一眾黃營學生不斷搞小動作，企圖阻止李國章出任校委會主席。以梁麗幗及王俊杰為首嘅學生代表更組成罷課委員會，以罷課方式抗議李國章出任校委會主席。可惜雷聲大雨點小，得不到大部分師生響應。
可是他們仍然死心不息，事先聲明會喺前日校委會會議舉行時圍堵校委會，逼使校委會回應學生四點訴求，包括修改《香港大學條例》及廢除特首校監必然制等。結果不幸言中，從電視畫面所見，學生猶如恐佈分子般瘋狂衝擊會場大門，更非法禁錮李國章及一眾校委，連校長馬斐森亦不能倖免。
繼去年7月28日後，再一次上演禁錮校委鬧劇，更刑事毀壞學校公物，呢班垃圾學生嘅所作所為再次令港大蒙羞，如此舉動根本唔係一個學生應有嘅行為，稱之為恐怖分子絕不為過！
香港係多元化社會，有不同意見無可厚非，但點解動輒便以暴力解決呢？港大自2011年818事件後已被政治入侵，令港大雞犬不寧。前任校長徐立之因此掛冠而去，加上去年副校長任命風波及校委會會議被錄音繼而外洩，更令港大百年基業危在旦夕。種種事件除令港大名譽掃地，國際排名更插水式下跌，港大可以話身敗名裂。現在又發生學生非法禁錮校委事件，更加令有能之士拒絕加入港大。想不到，呢所香港百年最高學府已淪為政治鬥獸場。以往寧靜嘅校園一去不復返，師生重政治輕學術，三番四次做出破壞港大嘅行為。校訓明德格物已成為失明、缺德、賤格、廢物。
筆者對此既怒且悲，父母咁辛苦供你哋入大學讀書，你哋唔單止唔珍惜，反而不斷搞破壞，浪費納稅人嘅金錢，甘心做政棍嘅炮灰。你哋對得住父母同納稅人嗎？
筆者曾多次指出，如果你哋唔滿意大學制度，可以選擇退學唔讀，交番個學位出嚟畀入唔到大學嘅莘莘學子，何必搞咁多小動作破壞學校聲譽同阻住其他專注學業嘅同學呢？你哋嘅所作所為，已經冇資格留喺港大，因為你哋三番四次做出破壞港大嘅行為，我哋已經忍無可忍！請你哋立即離開港大！
筆者對一眾恐怖分子禁錮校委，毀壞學校公物嘅行為予以強烈譴責，並懇請校長馬斐森立即開除搞事學生，挽救港大於水火之中！
作者：嘉偉
圖：無線新聞
投票已截止，多謝支持
返回
