美帝同佢班小弟搞到敘利亞立立亂，早前終於宣布走人，全面撤軍（請按此重溫），全球最大「恐怖組織」離開，敘國人民仲諗住終於可以重見天日，點知白宮發言人桑德斯日前一盆冷水倒落嚟，話會留返200人駐紮敘利亞「維持和平」喎，敘國人民認真慘！

美國現時仍有2000名士兵駐紮敘利亞，並自1月起開始撤走軍備，預計成個撤軍過程會喺3月或4月完成。桑德斯表示，美軍仍會留低約200人嘅「維和部隊」，部署喺靠近伊拉克同約旦邊境，負責情報監視等任務，但並未透露呢支部隊會駐紮幾耐。

鼓勵英法盟友駐軍

美國有線新聞網絡（CNN）報道指，美國亦鼓勵英法等盟友於敘利亞境內繼續駐軍。

敘利亞亂局都未平息，美國最近又將魔爪伸向拉美，先係顛覆委內瑞拉，日前又出言恐嚇尼加拉瓜（請按此重溫），地球上一日有霸權如此，睇怕都永無寧日！

原圖：Now新聞截圖、特朗普Facebook