美國宣布撤軍，敘利亞終於有望過好日子喇！白宮發言人桑德斯日前聲稱，老美打擊恐怖組織「伊斯蘭國(ISIS)」的任務已經結束，美軍準備全面撤出敘利亞。全球最大嘅「恐怖份子」終於捨得躝出敘利亞，飽受戰火摧殘嘅敘利亞人民總算係守得雲開見月明囉！

歐美聯軍為敘國添亂

自從美國同佢班歐洲盟友武力介入敘利亞內戰，政局本來就混亂嘅敘國亂上加亂，受歐美支持的所謂救援組織「白頭盔」更多次爆出醜聞，疑似向敘國政府軍裁贓嫁禍，以營造「化武疑雲」，好讓歐美聯軍有藉口發動空襲。

不過美國亦冇打算咁順攤完全放過敘利亞，桑德斯講到明，「如有必要」美國及其盟友會隨時重返敘國，捍衛「美國利益」咁話喎！咦？美國利益？！之前唔係話不齒敘政府軍用根本證明唔到存在嘅化武對付平民，美國先插手嘅咩？唔通侵侵走狗爆響口，自爆老美為利益入侵敘利亞？

原圖：無綫新聞截圖