年年情人節，一眾單身男女見到街裡愛人一對對，浪漫氛圍遍布全城，難免會覺得孤單，台灣高雄一名三文治攤檔老闆，就決定喺情人節幽自己一默，掛出布條呼籲情侶唔好喺佢面前放閃，擺到明拒絕收單身狗糧！

網民笑問：單身有冇優惠？

Facebook群組「爆廢公社」有網民發表一張相片，一家三明治攤檔上掛起了一條紅色布條，上面大大隻字寫住「歡慶情人節，凡情侶一同前來消費（沒有優惠）」，下面仲要再加一句「中年大叔玻璃心，請勿在此放閃！」，網民都認為老闆太搞笑，紛紛到帖下留言，笑問「單身消費有折扣嗎？」、「單身可以買一送一嗎？」、更有網民認為老闆除咗應該畀單身人士優惠外，更應該對嚟幫襯嘅情侶收double價錢，認真搞笑！

老闆咁幽默，相信努力一下，脫單應該難唔到佢，希望下年可以見到佢有美相伴一齊擺檔啦！順便祝大家有情人終成眷屬！

原圖：●【爆笑公社】● Facebook

https://www.facebook.com/photo.php?fbid=415909602510236&set=g.1658091607749510&type=1&theater&ifg=1