中國崛起，何須看西方臉色？加拿大公民謝倫伯格(Robert Lloyd Schellenberg)日前因走私毒品而被大連法庭依法判死，外界部分好事之徒抹黑為「無理」、「有政治動機」云云。有美媒就話，西方國家公民以往好少喺中國遭判死刑，案件代表西方人再無特權，唔會得到額外嘅寬待。以前係唔係真係有對西方人寬宏啲，小編唔知道，不過呢家中國一定唔使睇西方臉色就真！

西方毒販判死非孤例

美國有線電視新聞網(CNN)刊登評論認為，謝倫伯格被判死背後有著深層意義，指出以往中國鮮少對西方人判以死刑，即使是毒品相關嘅罪行亦只是監禁。文章引用人權觀察組織(Human Rights Watch)駐香港研究員王松蓮(Maya Wang)指，因為中國希望降低外交上嘅緊張關係，同埋避免國際社會批評。文章指，如今加國公民謝倫伯格被判死，可能係代表中國對西方國家嘅寬宏政策終結。

西方視司法如無物？

點解嘅西方人成日覺得謝倫伯格判決係有政治考慮？唔通係佢哋自己視司法如無物，所以就覺得人哋都係咁？其實中國以往都有判過西方公民死刑，好似英國公民阿克毛(Akmal Shaikh)喺2007年就因為喺新彊運毒而被判死刑。過去因毒品案而被中國判死嘅人，仲有日本、韓國、俄羅斯等國家嘅公民。 由此可見，中國對待毒販素來一視同仁，可能只係西方人自以為受到「優待」而已。不管如何，在中國犯法，就要接受中國法律制裁，撐國家企硬依法裁決！ 原圖：Donald J. Trump Facebook Page影片截圖、trudeau twitter https://www.facebook.com/DonaldTrump/ https://twitter.com/justintrudeau

投票已截止，多謝支持