一個賊會叫人小心銀包？講笑吓話？但現實世界其實周不時都有啲咁嘅人，例如美國。身為全球最大黑客，美國居然叫一干企業加強網絡保安，防止來自中俄嘅黑客攻擊喎，賊喊捉賊得咁張揚，真係無恥到極！

稱網絡攻擊令美損失千億

美國國家反間諜和安全中心(NCSC)昨日開始以不同方式向全國企業發放指引，講述情報機關如何使用網絡進行間諜活動，以及教人點樣防範。NSCS指，網絡攻擊已為美國帶來數以千億元計的損失，仲諗都唔諗就話擔心美企遭受中俄等地網絡攻擊云云。NCSC主管伊瓦尼納戴晒頭盔，明明一盆污水淋落中俄頭上，卻又虛偽到加零一指不會勸企業別跟中國做生意，但希望佢哋懂得風險及防範喎。 真係唔知美國係咪長期自我催眠，先可以成日擘大眼講大話！眾所周知，美國黑客實力非凡，鉅細無遺監控全球網絡，連德國總理都唔放過，絕對無孔不入。諗諗走佬特工斯諾登對美國的指控，就知老美有幾可怕。偏偏霸權死都要扮好人，反指中俄對美國進行黑客攻擊，將賊喊捉賊的神技玩得出神入化，除咗無恥，小編諗唔到點形容佢喇！ 原圖：Donald Trump Facebook https://www.facebook.com/DonaldTrump/photos/a.488852220724/10161953467185725/?type=3&theater

投票已截止，多謝支持