祖國軍力再進一步！中國兵器工業集團日前發布最新武器測試宣傳片，首次展示一個由中國轟-6K轟炸機投放嘅「熱壓炸彈」(thermobaric bomb)。新華網指其威力僅次於核彈，相當於小型地震，仲叫佢為中國版「炸彈之母」。咁勁嘅武器自然立即引起外界關注同分析，有英媒分析指，呢顆「炸彈之母」足以摧毀美國防禦；又有德媒指，中國、俄羅斯、美國嘅超級炸彈競爭差距縮小了。見到中國實力咁強大，老美仲敢唔敢阿吱阿咗！

破壞力僅次核彈

眼見中國炸彈實力再進一步，成堆外媒圍埋一堆認真分析。德國《世界報》認為，中俄美超級炸彈競爭差距縮小了，又指中國呢次係繼美俄之後測試自國嘅「炸彈之母」，坦言呢顆熱壓炸彈實在太大，所以就算係轟-6K嘅彈艙都只可放一枚。德國新聞電視台就指，雖然呢顆熱壓炸彈體積巨大，但已比美國超級炸彈GBU-43/B細同輕。德國《萊茵郵報》就話，呢個係中國暫時測試嘅非核炸彈中威力最強大嘅。英國《每日快報》認為，今次武器測試係中國向美國發出軍事警報，又指呢個熱壓炸彈威力足以摧毀美國防禦。 美國一路全方位圍堵、打壓中國，中國未驚過，繼續進步，而且係全方位的進步，逐漸實現反圍堵、反打壓。當美國慣了以優勢軍力凌駕對手，現在解放軍亦步亦趨，美國那種「我得你唔得」嘅心態梗係失衡啦！身為中國人，實在非常樂意見到中國實現軍力大躍進，等美國佬有得震冇得瞓！ 原圖：中國兵器工業集團宣傳片截圖

投票已截止，多謝支持