有能者居之，老美走下坡就唔好咁多嗲！中國和平崛起，美國驚到出晒面就人人都知。不過驚還驚，出下陰招、搞抹黑，就好冇品啫。美國聯邦調查局(FBI)同司法部齊齊患上被害妄想症，眼見美國日漸頹敗，居然自己吹出一個劇本，抹黑中國崛起嘅方法就係偷，將技術喺國內複製，再喺全世界取代美國，大罵中國用違法手段做世界盟主喎。好心喇，華為5G技術領導全球，單係呢點，就分明無可能係偷﹗ 據美國全國公共廣播電台(NPR)日前引述報道，FBI局長克里斯托弗雷(Christopher Wray)同美國助理司法部長德默斯(John Demers)都腦洞大開，一邊認中國地位直迫美國，一邊就死撐話因為中國用「違法手段」、「盜取美國知識產權」云云。
返回
