老美所謂嘅自由就係啱聽先講得？華為高層孟晚舟被美加無理拘留，除咗激起華人怒火之外，亦有西方正義之士睇唔過眼！當中一位來自美國哥倫比亞大學嘅杰弗瑞‧薩克斯教授(Jeffrey Sachs)向來為公義發聲，喺上月初撰寫文章，直斥美加挑起嘅孟晚舟事件根本係向華挑貿易戰（請按此重溫）。點知呢篇表達自己意見嘅文章，居然引起惡意圍攻，仲迫到刪twitter帳號！

被迫到刪twitter帳號

薩克斯向來讚賞中國嘅發展，早喺11月就為華為《數字國家：促經濟、保福祉、善治理》報告作序，當中指華為無論以咩標準去衡量，都是一間卓越公司。孟晚舟事件事件發生後，佢出於義憤寫下文章，大鬧美加做法，卻被網絡欺凌。

當中最過份嘅係，《華盛頓郵報》專欄作家費希(Issac Stone Fish)公然人身攻擊，抹黑薩克斯，質疑佢係唔係拎咗華為錢。之後一堆無恥美國網民紛紛附和，喺無理無據嘅情況下攻擊薩克斯。

對於呢啲無賴，薩克斯一開始仲好有禮貌咁回應，話自己寫文係因為尊重華為技術，又強調自己從來無收過華為錢。不過班惡意之徒又點聽得入耳？最後薩克斯被迫到要刪twitter帳號。

美國成日話自己幾民主幾自由，卻連一位教授講自己意見都容納唔到，真係悲哀！

原圖︰無綫新聞截圖、網絡視頻截圖