鴿黨賤男許智峯涉嫌喺光天化日之下強搶女EO手機，不過佢事後就厚顏無恥咁話自己「獲得」一部手機喎(點此重溫相關報道)，唔理市民信唔信都好，警已報，許生都係留返同個官講吧！今次呢場鬧劇，反而令市民睇清楚「官媒」香港電台點樣黃到出汁！

標題省略許名字

同路人搞到一鑊粥，黃媒梗係要出嚟護航，《蘋果日報》、《香港01》同《立場新聞》就喺有關報道標題用上「被指搶」嘅字眼，即係擺明唔認數喇；《明報》仲過份，竟然寫許智峯「取走」一部政府手機！

你以為《明報》最過份？不如睇吓「官媒」港台點報道，先是標題連許智峯的名字也未有提及，內文則寫道︰「民主黨議員許智峯涉嫌在會議室外，取走這名女行政主任的手機，之後進入男洗手間。」一單疑似暴力犯罪事件，畀佢寫成一齣許智峯同女EO之間嘅愛恨情仇，將「強搶」淡化為「取走」不特止，仲用「進入男洗手間」輕描淡寫帶過許智峯帶住疑似贓物匿入男廁一事，唔講仲以為佢真係要去「殊殊」啊！

仲黃過黃媒，「官媒」喎，仲話想拎公帑起新大樓喎，呵呵！

原圖：許智峯Facebook

https://www.facebook.com/huichifung913/photos/a.178876732294531.1073741825.178843345631203/410358829146319/?type=3&theater