「河童」黃之鋒一直發開議員夢，更曾為一個月十皮嘢人工而入稟挑戰參選立會嘅年齡限制。明年就係區議會選舉，河童不甘沉寂，又出嚟大搞政治騷博出位，扮晒積極投入社區工作，在南區搞親子活動，令人不禁揣測佢係咪有意出戰來年區選。

暗獨之心顯露無遺

黃之鋒接受傳媒訪問，被問到明年會否出戰區選，可能佢自知擁護港獨之心太過明顯，分分鐘冇得入閘參選，只回應話所屬的「香港眾志」尚未有定案；不過，黃之鋒想選議員之心路人皆知，有得選，佢真係唔選？

可惜「香港眾志」的所謂「自決」綱領早於311補選時被選舉主任裁定等同「不可能擁護《基本法》」，而按照《區議會條例》第547章第34條獲提名的候選人須遵從的規定，列明「提名表格載有或附有一項示明該人會擁護《基本法》和保證效忠香港特別行政區的聲明」。黃之鋒身為「眾志」創始人兼秘書長，其暗獨之心早已顯露無遺，睇怕佢就算想出戰區會，最後都只係會畀人DQ！

原圖：黃之鋒Facebook

https://www.facebook.com/joshuawongchifung/photos/a.313299448762570.71779.200976479994868/1684413474984487/?type=3&theater