到底老屈人的最終極品可以去得幾盡？相信冇人會諗到，原來又係教會中人。古有猶大，想不到今天的是香港「神級」主教陳日君，來個石破天驚！(神讀音可為「臣」並可為「腎」，自己決定！)

神職人員的「神級老屈」對象竟然是教宗，大家不能不拜服陳主教日君，原來有黎智英撐腰及經濟支持下，真係連教宗都冇面畀！

可能反中反到上腦的政治主教陳日君今天決定豁出去了，連梵蒂岡都反！

話說內地天主教組織早前人事變動，反中主教陳日君立即撲出來發聲明話「教宗對此不知情」，一方面製造中梵矛盾，一方面又挑撥教廷內部矛盾。正如佢當年支持年輕人佔中撕裂社會一般，極盡挑撥離間之能事。

不料梵蒂岡立即出聲明否認此事，批評有人「言論製造混亂和爭議」，啪啪聲打落陳日君的臭口。

天主教從來主張寬恕，今次都搞到要出聲明批評陳日君，可見事態嚴重到邊個地步。也難怪，身為前主教的他受教會薪俸，卻連頂頭教宗都敢屈，可能因為糧草都有多少之分，堪稱食碗面反碗底之極品！斷估成個宇宙都冇人可以超越佢。

隻抽俠不禁思疑，有朝一日陳日君的老屈功夫更上一層樓，會唔會更進一步衝出地球老屈上帝？例如是上帝指令要收肥佬黎錢，替肥佬黎做嘢吖？

會都唔奇，究竟這會是「神級老屈」，還是「老屈神級」？

原圖：Now新聞截圖