報章報導張敬軒搬出月租 18 萬的摩星嶺道文物別墅 ...
並且在天后廟道，以 1500 多萬，買入一個樓齡接近 60 年，大約有1,000 尺的單位，朋友睇咗呢單新聞，即問...
朋友：「乜有樓 60 年架咩？」
筆者：「過 100 年都有啦，歷史文物嘛！」
朋友：「我意思係會响市場買賣嗰啲呀！」
筆者：「當然有啦，其實香港仲有好多戰前唐樓。」
朋友：「有冇睇過？」
筆者：「最近戰友响旺角波鞋街附近睇咗一間...」
朋友：「幾錢呀？」
筆者：「600 幾呎賣 400 幾萬左右啦。」
朋友：「呎價 7,000 都唔算貴喎！」
筆者：「唔貴架！」
朋友：「咁有咩要注意？」
筆者：「維修、按揭、保險等等都要留意...」
維修方面...
對於一般人來說，4、50 年以上的物業感覺已經很舊了，60 年以上的物業更加難以想像。經歷數十載，仍然未拆卸重建的 60 年以上舊樓，絕大部份都已經有適當的復修，甚至活化，例如灣仔區的和昌大押，已經超過 100 年歷史，已活化成高級食肆及零售商店。撇開歷史文物，市場上仍有不少 60 年以上的物業在買賣，例如油尖旺區、九龍城區、中上環區等等，都是比較活躍的地區，很多老外都特別喜歡這些有歷史味道的建築，活化增值之後，利潤不淺，不過當然維修保養比較貴，不但老化、殘舊，結構亦有可能出現問題，維修成本不是一般裝修、防漏咁簡單，未必是一般小型工程公司可處理。
按揭方面...
銀行貸款要考慮自己的風險，未必會批，按保更加唔使諗。
根據現時金管局的指引，以樓齡計算，供款年期 + 樓齡，最多是 75 年，一般來說只有 65 至 70 年，就以 70 年為例，如果你買的物業已經 65 年，即是說即使銀行批出貸款，最多只借 5 年，同私人貸款有乜分別？所以買樓齡高達 60 年以上物業，要有 Full Pay 的心理準備。今次的買家是張敬軒，當然沒有問題，然而換了是你，是否又可以 Full Pay 呢？即是有能力，又係咪值得呢？
保險方面...
無論自住還是收租，很多時都會買一份家居保險以策萬全，然而保險公司都要計算自己的風險，根據筆者的經驗，樓齡超 40 多年以上的物業，很多保險公司都不受保，筆者試過為一個位於旺角上海街，樓齡約 50 年的單位投保，代理幫我找了好幾家都不受保，最後找了一家中資的，付了兩倍價錢才買到保險。今時今日買住宅要用自己名，不能用公司名，保險是投資舊樓少不免的。
1% Anthony
Fan Page《第一桶金》：www.facebook.com/anthony.wealth
圖：網絡圖片
投票已截止，多謝支持
返回
