香港眾志秘書長「河童」黃之鋒想做立法會議員爭取曝光，稍有機會就搞事，怎會不神憎鬼厭呢？最近香港筆會出版一本新書，河童是其中一位作者，本來在亞洲協會香港中心舉行新書發布會，但亞洲協會可能怕咗河童乘機宣揚港獨搞搞震，故要求河童不能在發布會上發言。由於雙方傾唔掂數，發布會死死地氣改在香港外國記者協會舉行。亞洲協會咁有「吉士」，係咪抵畀個讚先？

佔領金紫荊缺席發布會

搞笑的是，為河童搞咗一大輪，但佢最終都冇出席發表會，點解？原來他去了佔領金紫荊廣場。河童大模廝樣甩底，正正說明他完全以個人政治目的為先：書會冇乜機會見報，反而坐在金紫荊大叫幾句就可以在黃媒大大張相，你估河童會點揀先？ 當然，冇得出鏡所以唔去，唔代表河童有水唔抽。河童忘了自己有多乞人憎，只管質疑亞洲協會是否阻礙新聞及出版自由，認為要有合理解釋，更在Facebook留言話「自我審查，證據確鑿」喎。 人家用來交流文化的地方，你用來作政治宣傳，亞洲協會自然有權不租借場地，完全合情合理，難道任由你藉文化之名宣傳港獨搞破壞都默不作聲嗎？ 原圖：文匯報 http://image.wenweipo.com/2016/10/08/a02b.jpg

投票已截止，多謝支持