上月初，國際佛光會創辦人星雲大師係台灣高雄市圓寂。星雲倡導人間佛教，他走進人間，主要是要給人幸福；筆者尤其佩服佢無私嘅胸襟，佢宣揚「給的哲學」，總是給人信心、歡喜、希望和方便。星雲大師倡導集體創作精神，指出「誰都不能單獨存在，大家要互助互敬、共存共榮，寧可以個人犧牲、忍耐」，是以有論者覺得，星雲這種生存哲學，曉暢平實，對人心安慰，有教育有提醒，在狂飆突進或抑鬱沉悶嘅年代，對失意之人都非常有用。

可惜，當今塵世，戰爭頻仍，各國積極擴軍，北韓導彈射得不亦樂乎，而日本亦大幅提升軍力，自衛隊將實質性告別「專守防衛」轉向「攻防兼備」。呢，去年12月下旬，日相岸田文雄內閣公布今年財年軍事預算，總額係6.82萬億日圓，與2022年相比大幅增長26.3% ，阿哥，依家又唔係打仗，非戰爭時期，大幅增軍費所為何事？又話要從美國購買約500枚「戰斧」巡航導彈，仲計劃未來10年從美國購買147架F-35戰機，此舉將使日本成為繼美國之後，世界第二多擁有呢款先進戰機數量嘅國家。

日本對中國嘅和平崛起，老早已睇唔順眼，種種跡象睇到日本一直靠攏美國，而完全不明何謂「遠親不如近鄰嘅道理」。事實上，中國專注發展經濟，一直呼籲「世界各國弘揚和平、發展、公平、正義、民主、自由的全人類共同價值，促進各國人民相知相親，共同應對各種全球性挑戰」。這種放眼世界的誠意，不正是星雲大師「給的哲學」嗎？

何以瞎折騰？

天下本無事，政客實擾之！呢，除咗日本大力擴軍，又胡扯是要應付「中國威脅」。「中國威脅」已經成了各國窮兵黷武嘅最佳借口！

各位，另一個經典例子就係澳洲，澳洲將採購美國二手核潛艇，並與英國研製下一代核潛艇，最快2030年代後期交付。呢個歴時30年嘅項目，耗資3680億澳元，約1.9萬億港元。畢竟旁觀者清，澳洲前總理基廷批評耗資3680億澳元嘅核潛艇計劃係史上最差協議！佢指出係澳洲工黨政府自一次世界大戰後作出最劣嘅國際決定，或帶來致命後果，佢更為中國辯護，強調中國不是澳洲嘅威脅。基廷一語道破，澳洲購入潛艇不能發揮軍事作用，指中國威脅或攻擊澳洲嘅唯一方法係登陸戰。

澳洲盲目靠攏美國，豪擲一大筆軍費話要幫美國應付日益強大嘅中國海軍，以為唔想衰，埋大堆！實則引狼入室，今後有排煩！

其實，各國與其盲目擴軍，又當美國係寶，實則美國乜都要攞着數，「美國優先」的例子俯拾皆是，可惜咁多水魚游埋去，唔通美國政府識得巫蠱之術？否則何以這麼多蠢人跟在其後面瞎折騰？

原圖：素材網

文章純屬作者個人意見，並不代表本報立場。