繼上周有屯門市中心順豐哥哥頂住大太陽用手推車送老伯伯去目的地後，再有熱心嘅順豐哥哥做好事啦！前日（19日），繼續喺屯門，今次係井財街嗰頭嘅虹橋，有揸車等緊轉燈嘅網民見到一位熱心嘅中年順豐哥哥，攙扶一位有點駝背嘅老伯伯過馬路。有網民大讚有佢真係社區之福！
帖文附圖可見，行車燈已經轉為綠色，但伯伯由於年紀大，行動不便，所以過馬路時比較緩慢，仍未過完馬路。一位心地好好嘅順豐哥哥就出手相助，行前去攙扶呢位伯伯行埋剩低嘅嗰幾步路。雖然冇上星期嗰位哥哥咁辛苦，但係佢呢份熱心已經絕對抵讚！
有唔少網民就大讚呢位中年順豐哥哥，話佢係社區之福，仲話好多順豐哥哥都好樂於助人同有禮貌。
支持兩位順豐哥哥嘅好人好事，希望大家守望相助，為各自嘅社區做貢獻！
原圖：「屯門友」FB
投票已截止，多謝支持
返回
