好人好事，值得支持！尋日（15日）就有網民喺社交平台發帖大讚一件香港年輕人嘅好人好事。尋日早上，一位順豐速遞員哥哥喺屯門市中心，唔怕辛苦、頂住大太陽，用自己送快遞嘅手推車推住一位老伯伯，網民見到紛紛大讚「人間還有愛」！順豐香港公司亦表示，會按照獎勵機制嘉許呢份好員工！

帖文寫道，當時呢位「屯門友」網民好奇上前問順豐哥哥咩情況，原來因為伯伯唔小心跌親，而佢又有緊要事一定要當日去政府合署，於是呢位哥哥就用自己送貨嘅手推車推老伯伯去目的地。網民仲話，當時佢表示話可以幫哥哥拎個膠箱，等佢舒服啲推個伯伯，但畀呢位哥哥婉拒話唔使。

唔少網民紛紛大讚呢位哥哥嘅行為值得讚賞，亦好感激佢送伯伯去目的地。另外，順豐香港亦表示會嘉許喺唔同範疇值得表揚嘅員工，希望呢位員工助人為樂嘅精神，可以激勵更多香港人幫助有需要嘅人。

呢位順豐哥哥認真抵讚！希望香港人可以發揮熱心助人、互助互愛嘅精神，令社會變得更美好。

原圖：屯門友FB圖片

https://www.facebook.com/TuenMunLocals/photos/pcb.2581938495275208/2581938385275219/